एउटै फर्मविरुद्ध साढे २ अर्ब राजस्व छलीको मुद्दा दायर

अर्थ समाचार

एउटै फर्मविरुद्ध साढे २ अर्ब राजस्व छलीको मुद्दा दायरराजस्व अनुसन्धान विभागले मोबाइल कारोबारविरुद्ध मुद्दा हाल्यो

नेपाल लाइभ बुधबार, असार ३१, २०७७ १५:४४

काठमाडौं- राजस्व अनुसन्धान विभागले मूल्य अभिवृद्धि कर, भन्सार र आयकर छलीको आरोपमा विभिन्न फर्मविरुद्ध ३ अर्ब ८२ करोड रूपैयाँ बिगो दावीसहित मुद्दा दायर गरेको छ। विभागले बुधबार उच्च अदालत पाटनमा मुद्दा दायर गरेको हो।

विभागका अनुसार काठमाडौं महानगरपालिका सोह्रखुट्टेमा सञ्चालनमा रहेको हाइटेक इन्टरनेसनलका सञ्चालकसहित २ जनाविरुद्ध २ अर्ब ४२ करोड ९८ लाख रुपैयाँ बिगो दावी गर्दै मुद्दा दायर गरिएको छ। कम्पनीले विदेशबाट वस्तु आयात गर्दा भन्सार घोषणा नै नगरी ल्याउने गरेको र आधिकारिक बिल बिजक जारी नगरी कारोबार गर्ने गरेको विभागले जनाएको छ।

कम्पनीविरुद्ध भन्सार चुहावटतर्फ १ अर्ब ७१ करोड ५६ लाख, मूल्य अभिवृद्धि करतर्फ ५९ करोड २८ लाख र आयकर र लाभांशतर्फ १२ करोड १४ लाख रुपैयाँ बिगो कायम गरिएको छ।

यसैगरी, ललितपुरको सानेपामा सञ्चालित जेएसएस मोबाइल एन्ड सर्भिसेस, श्याम इम्पेक्स र श्यामबाबा इन्टरप्राइजेजविरुद्ध १ अर्ब ३९ करोड रुपैयाँ बिगो कायम गरी पाटनमा मुद्दा दायर गरिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

६ किलो अवैध चाँदी प्रहरीद्वारा बरामद

प्रतिनिधिसभाको बर्खे अधिवेशनका बैठक शनिबार बाहेक सबै दिन बसाल्न प्रस्ताव

गगन थापाको आग्रह- निजामती विधेयक अगाडि बढेको छ, आन्दोलन स्थगित गर्नुहोस्