काठमाडौं- सिभिल मलभित्र व्यापार गर्दै आएका व्यवसायीहरुले आफ्नो माग सञ्चालकले बेवास्ता गरेको र छलफलका लागि नबोलाएको भन्दै धर्नामा बसेका छन्। व्यापार नभएका कारण लकडाउन अवधिको भाडा तिर्न नसकिने भन्दै सिभिल मलका व्यापारीले शुक्रबार सञ्चालकलाई आफ्ना पसलको चाबी बुझाएका थिए।
‘सञ्चालकबाट हामीलाई समय तोकेर भाडा बुझाउन भनिएको थियो। तर हामीले भाडा बुझाउन सकेनौं’, सिभिल मल व्यवसायी संघका अध्यक्ष रत्न घिमिरेले नेपाल लाइभसँग भने, ‘सञ्चालकले हामीसँग छलफल गर्नै चाहेका छैनन्। त्यसकारण धर्ना बसेका हौं।'
सिभिल मलभित्र व्यापार व्यवसाय गर्दै आएका १ सय ५ जना व्यापारीले शुक्रबार सञ्चालकलाई चाबी बुझाएका थिए। व्यापारीहरुले लकडाउन अवधिको भाडा पूर्णरुपमा छुट पाउनुपर्ने माग राख्दै आएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
