काठमाडौं- दुर्गम जिल्लामा ड्रममा डिजल राखेर बिक्री वितरण गर्नका लागि अनुमति लिन नेपाल आयल निगमले बिक्रेतासँग निवेदन माग गरेको छ। नेपाल आयल निगमको पेट्रोलियम पदार्थ बिक्रेता विनियमावली २०७५ को व्यवस्थाअनुसार दुर्गम जिल्लाहरुमा ‘प्याक्ड बिक्रेता’ अर्थात ड्रममा राखेर डिजल बेच्न मिल्ने प्रावधान छ।
निगमका प्रवक्ता विनितमणि उपाध्यायले दुर्गम जिल्लामा डिजलको अभाव हुन नदिन र थोरै लगानीमा संचालन गर्न सकिने प्याक्ड बिक्रेताको अनुमतिका लागि आवेदन मागिएको बताए। सरकारले दुर्गम जिल्ला भनेर तोकेका २१ वटा जिल्लामा प्याक्ड बिक्रेतालाई नयाँ अनुमति पाउने व्यवस्था गर्न लागिएको हो।
‘स्थानियस्तरमा डिजलको अभाव नहोस् भनेर ड्रममा राखेर प्याक्ट बिक्रेताको प्रावधान छ। यो विगतमा पनि थियो। अहिले पनि विभिन्न जिल्लामा १ सय १० भन्दा बढी प्याक्ड बिक्रेता छन्। केहि ठाउँहरु दुर्गमबाट सुगममा रुपान्तरण भएपछि नमुना बिक्रेता, साधारण बिक्रेता भनेर आए।’ प्रवक्ता उपाध्यायले भने।
पेट्रोलियम पदार्थ बिक्रेता विनियमावलीले प्याक्ड बिक्रेताको अनुमति पाउनका लागि कम्तीमा २ रोपनी जग्गा हुनुपर्ने, बिक्री स्थलको कम्पाउन्डमा फेन्सिङ गरेको हुुनुपर्ने, दोहोरो सवारी चल्नसक्ने सडक हुनुपर्ने, आगलागीको सुरक्षाका लागि कम्तीमा तीन थान १० किलोग्राम क्षमताका पिपिसी फायर एक्टिङ्ग्युसर राख्नुपर्ने लगायतका मापदण्डहरु पुरा गर्नुपर्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764080971.png)
-1763721444.png)
-1763559424.jpg)
