मन्त्रीहरूलाई प्रधानमन्त्रीको ब्रिफिङ- पार्टी एकता संकटमा छ

राजनीति

नेपाल लाइभ शनिबार, असार २०, २०७७ २०:२९

काठमाडौं- प्रधानमन्त्री केपी शर्मा ओलीले पार्टी एकता संकटमा परेको बताएका छन्। शनिबार साँझ मन्त्री तथा राज्यमन्त्रीहरूलाई बोलाएर प्रधानमन्त्री ओलीले पार्टी एकता गम्भीर मोडमा आइपुगेको बताएका हुन्।

'पार्टी एकता संकटमा छ। अवस्था जटिल छ। यसलाई सुझबुझका साथ मूल्यांकन गर्नू। सानोसानो कुरालाई ध्यान दिनू,' मन्त्री र राज्यमन्त्री लाई ब्रिफिङ गर्दै अध्यक्ष तथा प्रधानमन्त्री ओलीले भनेका विषय उद्धृत गर्दै छलफलमा सहभागी एक मन्त्रीले नेपाल लाइभसँग भने।

उनले राष्ट्रिय एकता पक्षमा एक हुन आह्वानसमेत गरेका थिए। प्रधानमन्त्रीले बोलाएको छलफलमा सहभागी ती मन्त्रीका अनुसार अध्यादेशका विषयमा भने कुनै छलफल भएन।

मन्त्री र राज्यमन्त्रीसँग उनले छलफल गरेपनि सरकारका विषयमा भने कुनै कुराकानी नभएको बताइएको छ। 'पार्टीसँग जोडिएका कुरामात्रै उठे। पार्टी भनेको सचिवालय र स्थायी कमिटीलाई मात्र नबुझ्न भन्नुभयो,' प्रधानमन्त्रीलाई उद्धृत गर्दै अर्का एक मन्त्रीले भने।

पार्टीमा देखिएको पछिल्लो विवादले कहाँसम्म पुर्‍याउँछ भन्ने निर्क्यौल गर्न सकिने अवस्था नरहेको समेत उनले राज्यमन्त्री तथा मन्त्रीहरूलाई ब्रिफिङ गरेका थिए।

राज्यमन्त्री तथा मन्त्रीहरूसँग छलफल गर्नुअघि प्रधानमन्त्री ओलीले राष्ट्रपति विद्यादेवी भण्डारीसँग भेट गरेका थिए।

बिहीबार राष्ट्रपतिसँग भेटेर आएलगत्तै राखिएको मन्त्रिपरिषद् बैठकले संसद्को बजेट अधिवेशन अन्त्य गर्न राष्ट्रपतिलाई सिफारिस गर्ने निर्णय गरेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सेयर बजारले २७ सय नाघ्यो,कारोबारमा वृद्धि

असत्य खबरका कारण परिवारमा विग्रह हुन थाल्यो :मन्त्री गुरुङ

छरिएका स्वास्थ्य सहयोग कार्यक्रमलाई स्वास्थ्य बीमा बोर्डअन्तर्गत ल्याएर कार्यान्वयन गरौँः स्वास्थ्यमन्त्री