काठमाडौं– नेपाल रेडक्रस सोसाइटीको वर्तमान कार्यसमितिको वैधानिकता आइतबारदेखि सकिएकाले आर्थिक र प्रशासनिक कामकाज नगर्न आग्रह गरिएको छ।
दोस्रो पटक म्याद थप गरेको सन्जीवकुमार थापाको नेतृत्वको कार्यकाल जेठ ३० मा सकिएको हो। संस्थाको विधान २०२० को सत्रौं संशोधन,जिल्ला प्रशासन कार्यालयबाट २०७५ पौष ३० गते प्रमाणीकृत विधानअनुसार सबै तहको कार्यसमितिको म्याद स्वतः समाप्त भएको परिर्वतन नेपाल रेडकस समूहले जनाएको छ।
कार्यकाल सकिएको संस्थाले दीर्घकालीन असर गर्ने आर्थिक तथा प्रशासनिक निर्णय गर्ने वैधानिक हैसियत नभएको परिर्वतन नेपाल रेडकस समूहले आइतबार बुझाइएको ज्ञापनपत्रमा भनिएको छ। रेडक्रसका कार्यकारी निर्देशक उमेश ढकाल र वित्तीय निर्देशक धर्मदत्त विडारीलाई बुझाइएको ज्ञापन पत्रमा वर्तमान नेतृत्व असक्षम भएको आरोप लगाइएको छ।
नेपाल रेडकस सोसाइटीको नविकरण जिल्ला प्रशासन कार्यालय काठमाडौंले गरेको छैन। संस्थाले कर चुक्ता नगर्दा प्रशासनले नविकरण रोकिदिएको छ। सर्वोच्च अदालतले २०७६ भाद्र २४ गते गरेको आदेशअनुसार वर्तमान कार्यसमितिले महाधिवेशन गर्न नसकेको जनाइको छ।
वर्तमान पदाधिकारीविरुद्ध अनियमितता गरेको तथा संस्थामा विसंगति भित्र्याएको आरोपमा अख्तियार,जिल्ला प्रशासन कार्यालय काठमाडौं, महानगरीय प्रहरी प्रभाग काठमाडौमा उजुरी समेत परेको छ। अन्तर्राष्ट्रिय निकायले समेत छानबिन गरिरहेको ज्ञापनपत्रमा उल्लेख छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766294823.png)
-1764146706.png)
-1763721444.png)
