काठमाडौं- आउने अक्टोवर १८ देखि नोभेम्बर १५ सम्म अस्ट्रेलियामा हुने तय रहेको टी २० विश्वकप क्रिकेटको मिति सरेमा आफू आइपिएल खेल्न तयार रहेको अस्ट्रेलियन ब्याट्सम्यान स्टेभेन स्मिथले बताएका छन्। जसका लागि आफूले अस्ट्रेलियाको घरेलु क्रिकेट केही समय छुटाउने उनको भनाइ छ।
आइपिएल टिम राजस्थान रोयल्समा अनुबन्ध रहेका स्मिथलाई टिमले २०२० को सिजनका लागि कप्तानका रुपमा राखेको छ। आफ्नो पहिलो प्राथमिकता देशका तर्फबाट अन्तर्राष्ट्रिय खेलमा सहभागी हुने भए पनि खेल तालिका मिलेमा आइपिएलमा सहभागी हुन राजी रहेको उनले बताएका हुन्।
कोरोना भाइरस (कोभिड १९) का कारण अहिले विश्व क्रिकेट गतिविधि ठप्प छ। आइपिएल लगायतका ठूला प्रतियोगिता स्थगित रहेका छन्। माहामारीबाट बाहिर निस्किएपछि पनि एक देशबाट अर्को देशमा खेलाडीहरु सहभागी हुन जान सुरक्षित महसुस गरिरहेका छैनन्। यस्तोमा आइपिएल जस्ता प्रतियोगिता कसरी सञ्चालन गर्न सकिन्छ भन्नेबारे छलफल भइरहेको छ।
यसैका कारण आउने अक्टोवर १८ देखि नोभेम्बर १५ सम्म अस्ट्रेलियामा हुने तय रहेको टी २० विश्वकप क्रिकेटको मितिको सारेर २०२१ मा गर्न अस्टे«लियाले आइसिसीसँग कुराकानी गरिरहेको छ।
स्मिथ अहिले न्यू साउथ वेल्सका खेलाडीसँगै सोमबारदेखि अभ्यासमा सामेल भएका छन्। इंग्ल्याण्ड, श्रीलंका लगायत देशले क्रिकेट सुरु गर्ने गरी तयारी पनि गरिरहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
