काठमाडौं- नेपालमा शनिबारमात्र १ सय ८९ जना कोरोना संक्रमित थप भए। शनिबार थप भएका कोरोना संक्रमित दैलेखदेखि ललितपुरसम्मका थिए।
शनिबार सबैभन्दा धेरै प्रदेश- ५ को यशोधरा गाउँपालिकाका नागरिकमा कोरोना संक्रमण पुष्टि भयो। भारतबाट फर्केका गाउँपालिकाको क्वारेनटाइनमा बसेका २८ जनामा पोजेटिभ देखिएको हो। प्रदेश- ५मा हाल ५ सय ४७ जना कोरोना संक्रमित रहेका छन् यो गाउँपालिकामा मात्र एक सयजना मानिस संक्रमित रहेका छन्।
संक्रमितहरूको सुरू सुरूमा बुटवलको अस्थायी कोरोना अस्पतालमा उपचार गरिएको थियो। हालसम्म ३ जनाले कोरोना जितेर घर फर्केका छन्।
बुटवलमा उपचाररत रहेका नौ जना डिस्चार्जको तयारीमा रहेको गाँउपालिका अध्यक्ष गरिजेशकुमार पाण्डेयले बताए। कपिलवस्तुको १० स्थानीय तहमध्ये सबैभन्दा धेरै कोरोना संक्रमित यही गाउँपालिकामा रहेका छन्। वैदेशिक रोजगारीका लागि भारतमा धेरै मानिस गएको र उनीहरूको फर्कने क्रम सुरू भएसँगै संक्रमितको संख्या बढ्न सुरु भएको गाँउपालिका प्रमुख पाण्डेयले बताए।
गाउँपालिकाको क्वारेनटाइनमा हाल ७ सय मानिस रहेको उनले बताए। यीमध्ये अधिकांशको कोरोना परीक्षण हुन बाँकी रहेको उनले बताए। यसरी गाउँपालिका भित्रने क्रम अझै नरोकिएकाले आफैंले अस्पताल निर्माण गरेको उनले बताए। ‘संक्रमित अन्त पठाएर तनाव धेरै भयो, कहिले बेड अभाव त कहिले लैजाने एम्बुलेन्सको समस्या’ गाउँपालिका प्रमुख पाण्डेले भने‚ ‘त्यसैले सबैको पहलमा दुईवटा अस्थायी अस्पताल बनाएका छौं। जुन अस्पतालमा ७ सय ५० बेड रहेका छन्।’
गाउँपालिकाले अनिरुद्ध पब्लिक माविमा ७ सय बेड र एक व्यक्तिको निजी घरमा ५० बेडको आइसोलसन वार्ड बनाएर संक्रमितहरूको उपचार सुरू गरिएको उनले बताए। क्वारेनटाइनमा बस्ने र संक्रमितहरूको गाउँपालिकाले व्यवस्था गरिरहेको भएपनि परीक्षणको दायरा बढाउन उनले माग गरे।
‘क्वारेन्टाइनमा संक्रमित र संक्रमण नभएका व्यक्ति एकै ठाउँमा बसिरहेकाले उनीहरूमा झन् खतरा रहेको छ’ उनले भने‚ ‘पिसिआर गरेर संक्रमण भएकाहरूलाई अलग गर्न सके यो फैलन पाउने थिएन।’ परीक्षण किटका लागि प्रदेश र केन्द्रमा आफूले सक्दो पहल गरिरहेको उनले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787723619.jpg)
-1787755124.jpg)
-1786602170.png)
-1786513116.png)
