महासंघ अध्यक्ष भवानी राणामाथि साधारणसभा मिति घोषणा गर्न दबाब

अर्थ समाचार

उत्तम काप्री सोमबार, जेठ १२, २०७७ १९:२०

काठमाडौं– नेपाल उद्योग वाणिज्य महासंघकी अध्यक्ष भवानी राणामाथि ५४औं साधरणसभाको मिति तोक्न केही कार्यकारी समितिका सदस्यले दवाब दिन थालका छन्।

२०७६ चैत २८ र २९ गतेका लागि तय भएको महासंघको ५४औं साधरणसभा (नेतृत्व चयनको महाधिवेशन) कोरोना भाइरसको जोखिम न्यूनीकरणका लागि भन्दै सरकारले चैत ११ गतेदेखि देशभर लागू हुने गरी गरेको लकडाउनका कारण स्थगित भएको थियो।

स्थगित भएको साधरणसभा महासंघ कार्यकारी समितिले २०७७ जेठ ७ र ८ गते निर्णय गरेको थियो। तर, उक्त सयममा पनि लकडाउन जारी रहेको र कोरोना संक्रमण फैलिने क्रम बढेको भन्दै जेठ ७ र ८ गते पनि महासंघको ५४औं साधरणसभा हुन सकेन।

यी दुवै मितिमा साधारणसभा हुन नसकेपछि वरिष्ठ उपाध्यक्षका उमेद्वारी घोषणा गरेका व्यवसायी चन्द्रप्रसाद ढकालको समूहले तत्काल साधारणसभाको मिति तोक्न अध्यक्ष भवानी राणालाई दवाब दिन थालेका छन्। व्यवसायी ढकालले अध्यक्ष राणालाई कार्यकारी समितिको बैठक राखेर मिति तोक्न दवाब दिन थालेका हुन्।

व्यवसायीहरुको दवाब बढ्ने थालेपनि महासंघकी अध्यक्ष राणाले पनि सोमबार अनलाइन मिटिङ राखेकी थिइन्। महासंघको कार्यकारी समितिको बैठकमा अधिकांश उपस्थितहरूले देश नै महामारीको अवस्थाका रहेका बेला साधारणसभाको मिति तोक्न नहुने तर्क राखेको बैठकमा सहभागी एक सदस्यले नेपाल लाइभसँग बताए।

बैठकमा ५४औं साधारणसभाबाट स्वतः अध्यक्ष हुने वर्तमान वरिष्ठ उपाध्यक्ष शेखर गोल्छाले समेत यो महामारीको बेला साधारणसभाको मिति तोक्न नहुने तर्क राखेको ती सदस्यले बताए।

‘मैले स्वतः चैतपछि अध्यक्ष हुँदै व्यवसायीको सेवामा काम गर्ने अवसर पाएको थिएँ। तर, महामाहरीका कारण त्यो हुन सकेन। फेरि यस्तो महामारीको बेला हामीले साधारणसभाको मिति तोक्दा राम्रो सन्देश जाँदैन,' भर्चुअल मिटिङमा सहभागी ती सदस्यलले वरिष्ठ उपाध्यक्ष गोल्छालाई उद्धृत गर्दै नेपाल लाइभसँग भने, 'समय तोक्ने परेको अवस्थामा पनि लकडाउन सकिएपछि मात्रै विचार गर्नुपर्छ।’ तर, जसले साधरण सभाको मिति तोक्न दवाब दिँदै अध्यक्षलाई मिटिङ राख्न आग्रह गरेको थिए उनी नै मिटिङमा उपस्थित नभएको अर्का एक जना भर्चुअल बैठकमा सहभागी भएका सदस्यले बताए।

जिल्ला बाहिरका प्रतिनिधिलाई काठमाडौं ल्याउने जिम्मादेखि कोराना परीक्षण गराउने जिम्मा आफू लिने भन्दै व्यवसायी चन्द्रप्रसाद ढकाल समूहले दबाब दिएका थिए। तर, ढकालकै प्रतिस्पर्धी व्यवसायी किशोर प्रधानले भने तत्कालको अवस्थामा साधारणसभाको मिति तोक्न नुहेन र तोक्ने परे पनि लकडाउन पछि मात्रै गर्नु पर्ने तर्क राखेको समेत बैठकमा सहभागी अर्का एक सदस्यले बताए।

महासंघको ५४औं साधारणसभाबाट वर्तमान वरिष्ठ उपाध्यक्ष शेखर गोल्छा स्वतः अध्यक्ष हुनेछन् भने अब निर्वाचित वरिष्ठ उपाध्यक्ष ३ वर्ष स्वतः अध्यक्ष हुने छ।

केही व्यवसायीले स्थगित महासंघको साधारण सभाको मिति तोक्न दवाब दिएको अध्यक्ष राणा पनि स्वीकार गर्छिन्। जसले महासंघको साधारणसभाको मिति तोक्नुपर्ने भन्दै कार्यकारी समितिको बैठक बोलाउन दबाब दिनेहरू नै अनलाईन जुम मिटिङमा सहभागी नभएको बताइन् उनले बताइन्। ‘सरकारले नै कुनै पनि सभासम्मेलन तथा भिडभाड हुने कार्यक्रम नगरेका भने छ,’ अध्यक्ष राणाले भनिन, ‘यस्तो अवस्थामा सयम तोक्न सक्ने अवस्था छैन। समय तोक्दा बाहिर नराम्रो सन्देश जान्छ। नराम्रो सन्देश जानु भनेको संस्थाको छवि नै बिग्रनु हो।’

अहिले जीवन नै बचाउन समस्या भएको बेलाका हामीले ५४औं साधारणसभाको मिति तोक्नु नहुने राणाको तर्क छ। ‘समय तोक्ने विषयमा स्वतः अध्यक्ष हुने वर्तमान वरिष्ठ उपाध्यक्षसमेत सहमत हुनुहुन्न,’ राणाले भनिन, ‘व्यवसायी नै समस्यामा भएको बेला समय तोक्ने काम हुँदैन। समय तोक्ने पर्ने अवस्था आएपनि सरकारले लागू गरेको लकडाउन अन्त्य पछि सहमतिमा अगाडि बढ्ने हो।’

आफूलाई पनि पदमा बस्न मन भएर पदमा नबसेको अध्यक्ष राणाको तर्क छ। ‘मलाई पनि पदमा बस्न मन छैन,’ राणाले भनिन, ‘शेखर गोल्छाजीलाई अध्यक्ष पद 'ह्यान्डओभर' गर्न मलाई नै हतार भएको छ। तर, हतार भएको छ भन्दैमा संस्थाको छवि नै बिग्रन दिने कुरा भएन। मलाई पनि पद ह्यान्डओभर राम्रो तवरबाट गर्न मन छ।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।