प्रतीकात्मक फोटो
काठमाडौं- काठमाडौंमा सोमबार कोरोना संक्रमण पुष्टि भएका तीन जना कोरोना संक्रमितमध्ये एक जना बुढानिलकण्ठमा समाज सेवामा खटिने व्यक्ति रहेका छन्।
लकडाउनको समयमा राहत वितरण गर्ने र आफ्नै निजी गाडिमा बिरामीलाई अस्पताल लैजान समेत सक्रिय रुपमा खटिएका व्यक्तिलाई कोरोना संक्रमण देखिएको हो। निजी गाडीलाई एम्बुलेन्स बनाएर उनी अस्पताल लैजाने, अलपत्र मानिसलाई उद्धार गर्ने, खान नपाउनेहरुलाई राहत वितरण गर्ने काम गर्दै आएका थिए। अरुलाई सेवा गर्दागर्दै उनी आफैं संक्रमित भएका बुढानिलकण्ठ नगरपालिकाका मेयर उद्धवप्रसाद खरेलले बताए।
बिरामी र आपतमा परेकालाई सेवा दिन हिँडेका उनले शंका लागेपछि स्वाब टेष्ट गराएका थिए।
स्वास्थ्य मन्त्रालयका एक कर्मचारीका अनुसार संक्रमण देखिएका उनलाई टेकुस्थित शुक्रराज ट्रपिकल तथा सरुवा रोग अस्पतालमा लगिएको छ।
‘उहाँ निकै सक्रिय रुपमा समाज सेवामा खटिनुभएको थियो’, ती कर्मचारीले भने, ‘आफैं गाडी चलाएर बिरामीलाई अस्पतालमा समेत लैजानुहुन्थ्यो तर उहाँलाई नै संक्रमण भयो।‘
उनका अनुसार ३७ वर्षे ती संक्रमितको अवस्था सामान्य रहेको छ। मन्त्रालयको टोलीले उनको नजिकमा रहेका र सम्पर्कमा आएकाहरुको पनि पिसिआर परीक्षणको तयारी गरेको छ।
यसैबीच, बुढानिलकण्ठमा एक सय जनाको स्वाब संकलन गरेर पठाइएको मेयर खरेलले बताए। त्यसमध्ये ४४ जनाको रिर्पोट आउँदा एक जनामा कोरोना पुष्टि भएको हो।
सोमबार संक्रमण पुष्टि भएका तीनजना सहित काठमाडौंमा संक्रमितको संख्या १५ पुगको छ। तीमध्ये ४ जना अहिले संक्रमणमुक्त भइसकेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1786602170.png)
-1786513116.png)
-1788425345.png)
