काठमाडौं- १० जना सुरक्षा फौज लिएर नेपाल सेनाको हेलिकोप्टर दार्चुलाको कालापानी क्षेत्रको छाङ्गरु पुगेको छ।
बुधबार बिहान ७ बजे काठमाडौंबाट गृहमन्त्री रामबहादुर थापाका सुरक्षा सल्लाहाकार प्राडा इन्द्रजीत राई र सशस्त्र प्रहरी बलका एआइजी नारायणबाबु थापासहितको टोली छाङ्गरु पुगेको हो।
काठमाडौंबाट दार्चुला सदरमुकाम खलंगा पुगेको सेनाको हेलिकप्टरले त्यहाँबाट पहिलो लटमा १० जना सुरक्षाकर्मी बन्दोबस्तीको सामान लिएर छाङ्गरु पुगेको गृहमन्त्रालयले जनाएको छ।
छाङ्गरुमा २५ जना सशस्त्र प्रहरीको अस्थायी बोर्डर आउट पोस्ट (बिओपी) राख्न लागिएको हो। सोही ठाउँमा रहेको प्रहरीका लागि पनि थप मद्दत भन्दै ९ जना प्रहरीको टोली छाङ्गरूमा पठाइनेछ।
हेलिकोप्टरमार्फत नै हातहतियार, गोलीगठ्ठा र बन्दोबस्तीका सामान, ६ महिनासम्मका लागि रासन, साधारण मेडिकल सामग्रीहरुका साथ सशस्त्रको टोली पठाउन लागिएको हो।
छाङ्गरुभन्दा माथि गागामा बिओपी राख्ने निर्णय भने गत मंसिरमै भएको थियो। पहिले नै राख्ने तयारी भइरहे पनि लकडाउनका कारण समस्या भएको थियो। तर भारतले केही दिनअघि मात्रै कालापानी, लिपुलेक हुँदै चीन जोड्ने सडक बनाएपछि तत्कालै छाङ्गरुमा अस्थायी बिओपी राख्न लागिएको हो।
गत चैतको पहिलो साता ५० नम्बर गुल्म दार्चुलाबाट निरीक्षणसमेत गरिएको थियो। तत्लका बिओपी राख्नुपर्ने अवस्था आएकाले अहिले नै भवन निमार्ण गरेर बिओपी राख्न सम्भव नभएपछि घर भाडामा लिएर बिओपी राख्न लागिएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751886908.jpg)
-1752043710.jpg)
-1752245592.jpg)
-1749826086.png)
