तेहरान-इरानको राजधानी तेहरानमा शक्तिशाली भूकम्प गएको छ। तेहरानको अल्वोर्ज प्रान्तमा गएकाे ५.१ म्याग्निच्युडको भूकम्पका कारण एक जनाको मृत्यु हुनाकाे साथै २३ जना घाइते भएको इरान प्रेस न्युज एजेन्सीले जनाएको छ। भूकम्प राति पौने एक बजे गएकाे थियो।
भूकम्पपछि भाग्ने क्रममा च्यापिएर ६० वर्षका एक वृद्धकाे मृत्यु भएको न्युज एजेन्सीले जनाएको छ। सोही स्थानमा अन्य ६ जना पनि घाइते भएका छन्। कोरोना भाइरसको चपेटामा रहेको इरानमा अर्को प्राकृतिक विपत्ति आइपरेको हो। आधा रातमा आएको भूकम्पका कारण त्यहाँको अवस्था तनावपूर्ण भएको छ। मध्यरातमा तेहरानको सडकमा मानिसहरु चिच्चाइरहेका थिए। भूकम्पपछि पनि दुई वटा परकम्पन गएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772328969.png)
-1764146706.png)
-1772271039.png)
