काठमाडौ– संसद सचिवालयमा कार्यरत रहेकी महिला कर्मचारीमाथि बलत्कारको प्रयासको आरोप लागेका पूर्व सभामुख कृष्णबहादुर महरालाई सफाई दिन जिल्ला अदालतले २ वटा आधारलाई टेकेको छ।
न्यायाधीश अम्बरराज पौडेलको इजलाशले आइतवार सुनुवाई समाप्त भएको जबरजस्ती करणी मुद्दामा सोमबार फैसला सुनाउँदै मुख्य पीडित भनिएकी महिला कर्मचारीको अदालतमा गरेको बकपत्र र फरेन्सिक ल्याबको रिपोर्टलाई सफाईको मुख्य लिएको छ।
पहिलो आधार : दुवैको इन्कारी बयान
जिल्ला अदालतले महरालाई सफाई दिन उनीहरुले अदालतमा गरेको बयानलाई आधार बनायो।
जिल्ला अदालतले अदालतमा आरोपित महरा र पीडित जाहेरीवालाले दिएको बयानमा दोषी ठहर गर्ने आधार नभेटिएको भनेको छ।
अदालतमा महराले जाहेरकर्ताको कोठा भित्र नछिरेको तर गएको स्वीकार गरेका छन्।
उनीसँग कुनै त्यस्तो सम्बन्ध नभएको दाबी महराले गरेका थिए।
जाहेरीवाला महिलाले गरेको वकपत्रमा महरा कोठामा नआएकाले कुनै, कुटपिट नगरेको भनेकी थिइन्।
सुरुमा महराले आफूमागि दुर्व्यवहार गरेर बलात्कारको प्रयास गरेको आरोप लगाएकी जाहेरकर्ताले अदालतमा पुगेर यस्तो बकपत्र गरेकी थिइन्।
दोस्रो आधार : औठा छाप
जिल्ला अदालतले महरालाई सफाई दिन लिएको दोस्रो आधार हो गिलास र चस्मामा भएको औठा छापको नमूना परीक्षण।
दुवै वस्तुको फरेन्सिक ल्याब परिक्षणमा महरासँग मिल्ने नदेखिएको जिल्लाको फैसलामा उल्लेख छ। तर यसअघि महराकै चस्मा र जुत्ताको तलुवा भएको दाबी जाहेरकर्ताले गरेकी थिइन्।
तर उक्त कुरा उनले अदालतमा बकपत्र गर्ने क्रममा फेरेकी थिइन्।
जाहेरकर्ताले बयान फेरेपछि अदालतले सफाइ दिनका लागि त्यही आधारमा टेकेको देखिन्छ।
जिल्ला अदालतले फैसला गर्दा टेकेका आधारहरु पुर्पक्षका लागि थुनामा पठाउने समयमा पनि हेरेको थियो।
तर तत्कालीन समयमा रोशनीको दाबीलाई अदालतले मान्यता दिन अस्वीकार गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
