काठमाडौं- सत्तारुढ दल नेपाल कम्युनिस्ट पार्टी (नेकपा)को केन्द्रीय कमिटी बैठक बुधबारबाट सुरु भएको छ। बिहान ११ बजेदेखि बस्ने भनिएको बैठक आधा घण्टापछि सुरु भयो।
बैठकको सञ्चालन महासचिव विष्णु पौडेलले गरेका थिए।
बैठकमा उद्घाटन मन्तव्य राखेका केपी शर्मा ओलीले सरकारले गरेको कामबारे बचाउ गरे। उनले विरोधीहरुले सरकारका विरुद्ध प्रचार युद्ध छेडिरहेको दाबी गरे।
बैठकमा अर्का अध्यक्ष पुष्पकमल दाहाल प्रचण्डले राजनीतिक प्रतिवेदन पेस गरेका थिए। त्यस्तै महासचिव पौडेलले सांगठनिक प्रतिवेदन र विधान संशोधन प्रस्ताव पेश गरेका थिए।
नेकपा बैठक वरिपरि रहेर नेपाल लाइभले प्रस्तुत गरेको समाचारहरुः
०००
नेकपा केन्द्रीय कमिटीको बैठक आजदेखि, यी हुन् एजेन्डा
नेपाल कम्युनिस्ट पार्टी (नेकपा)को केन्द्रीय कमिटी बैठक बुधबार (आज)देखि सुरु भएको छ। बैठक बिहान ११ बजे राष्ट्रिय सभागृहमा बसेको हो। (विस्तृत)
नेकपा केन्द्रीय कमिटी बैठक : तीन ठाउँमा १५ समूहमा छलफल
ठूलो आकारको केन्द्रीय कमिटी भएका कारण राष्ट्रिय सभागृहमा बैठक आह्वान गरेको नेकपालाई बैठकस्थल सानो भएको छ। नेकपाको केन्द्रीय कमिटीमा सदस्य संख्या ४ सय ४५ रहेको छ। (विस्तृत)
नेकपाको केन्द्रीय कमिटी बैठक राष्ट्रिय सभागृहमा सुरु
बैठक बिहान साढे ११ बजे सुरु भयो। (विस्तृत)
प्रधानमन्त्रीले भने- सरकारले काम गरेको गर्यै छ
केन्द्रीय कमिटी बैठकमा बोल्दै प्रधानमन्त्री समेत रहेका अध्यक्ष केपी शर्मा ओलीले सरकार गठन भएदेखि विविध क्षेत्रमा उत्साहजनक काम गरेको दाबी गरे। (विस्तृत)
एमसिसीबारे बोले प्रधानमन्त्री : सैन्य रणनीति हैन, अब पारित हुन्छ
‘अरुका के चाहाना छन् भनेर हामी जाँदैनौ। हाम्रो स्वाभिमानमा यसले केही प्रभाव पार्दैन,’ प्रधानमन्त्री ओलीले भने, ‘दुई देशका बीचमा भएको सम्झौता हो। हामी हाम्रो कानुन र देशको हितभन्दा बाहिर गएर गर्दैनौ।’ (विस्तृत)
प्रधानमन्त्रीले खुलाए ‘धक्का’ : ‘मैले भनेको कोरोना हो’
बुधबार शुरु भएको नेकपाको केन्द्रिय समितिको बैठकमा देउवाको धक्कामाथिको जिज्ञासा मेटाउँदै प्रधानमन्त्री ओलीले धक्का खुलाउँदै त्यो कोरोना भएको बताए। (विस्तृत)
यतीबारे प्रधानमन्त्रीको टिप्पणी : मितेरी साइनो भएजस्तो गरी व्याख्या गरियो
‘यती होल्डिङ्ससँग हाम्रो एकदम घनिष्ट साइनो हो कि, मितेरी साइनो जस्तो गरेर व्याख्या गरेका छन्’, नेकपा केन्द्रीय कमिटी बैठकमा बुधबार सरकारले गरेका कामको बचाउ गर्दै प्रधानमन्त्रीसमेत रहेका अध्यक्ष ओलीले भने, ‘यसअघिका सरकारले पनि लिज सम्झौतामा दिएका थिए।’ (विस्तृत)
नेकपा महाधिवेशन २०७७ चैतमा गर्ने प्रस्ताव
दुवै अध्यक्षको तर्फबाट प्रचण्डले पेश गरेको राजनीतिक प्रतिवेदनमा २०७७ चैत्र २५ देखि ३० सम्म राष्ट्रिय महाधिवेशनको प्रस्ताव गरिएको छ। (विस्तृत)
नेकपा ब्यानरमा अटाएनन् मार्क्स र लेनिनः ब्यानरमा पुष्पलाल–मदन, 'स्ट्याण्ड'मा ओली–प्रचण्ड
मुख्य ब्यानरको छेउमै दुईतर्फ नेकपा अध्यक्षद्वयको फोटो थियो। विशेष 'स्ट्याण्ड'मा सजाएर देब्रेतिर केपी ओलीलाई राखियो, दाहिनेतिर पुष्पकमल दाहाल प्रचण्डलाई। तर, मार्क्स र लेनिन दुवैको तस्बिर थिएनन् मञ्चमा। (विस्तृत)
नेकपाका क्रान्तिकारी ‘कमरेड’लाई यथार्थमा ओर्लन अध्यक्ष ओलीको निर्देशन
‘भावनामा बगेर क्रान्ति हुँदैन, उपलब्धि हुँदैन। यथार्थमा गएर परिस्थितिअनुसार अघि बढेर मात्रै सफलता प्राप्त गर्न सक्छौं।’ (विस्तृत)
‘इन्डो प्यासेफिक स्ट्राटेजी’बारे नेकपा झन् कडा, चीन घेर्न ल्याइएको दाबी
बुधबार सत्तारुढ नेपाल कम्युनिष्ट पार्टी (नेकपा)को राजधानीमा सुरु भएको दोस्रो पूर्ण केन्द्रीय कमिटी बैठकमा अध्यक्षद्वयको तर्फबाट पुष्पकमल दाहाल ‘प्रचण्ड’ले पेश गरेको राजनीतिक प्रतिवेदनमा ‘इन्डो प्यासेफिक स्ट्राटेजी’ चीन घेर्न ल्याइएको उल्लेख छ। (विस्तृत)
नेकपाको राजनीतिक प्रतिवेदन : जनताको असन्तुष्टिले भक्तपुर र धरानमा पराजित
उम्मेदवार तय गरिसकेपछि उत्पन्न विवादलाई समाधान गर्न समय लागेकाले भक्तपुरमा हार बेहोरिएको नेकपाले स्विकारेको छ। नेकपाविरुद्ध कांग्रेस र राप्रपाको गठबन्धन भएकाले चुनाव हानुपरेको अर्को कारण औंल्याइएको छ (विस्तृत)
नेकपा केन्द्रीय समितिको अर्को बैठक शुक्रबार
प्रस्तुत प्रतिवेदनमाथि छलफल गर्न बिहीबार एक दिनको समय तोकिएको छ। विभाजित १५ समूहका तर्फबाट आएको निचोड समूह लिडरले आगामी बैठकमा प्रस्तुत गर्नेछन्। (विस्तृत)
नेकपामा फेरि उठ्यो बैठक 'लाइभ' गर्ने कुरा
‘यस्तो प्रवृत्ति बारम्बार दोहोरिने हो भने हामी बैठकमा मिडियाको प्रत्यक्ष र नियमित उपस्थितिका लागि मन्जुर हुनुपर्ने अवस्थामा पुग्नेछौं। के हामी यसका लागि तयार हुने हो?' (विस्तृत)
नेकपाको नजरमा सरकार : प्रयास गरिरहेको छ, उत्साह बढाउन सकेन
प्रतिवेदनमा राम्रा कामको सूचीमा ‘जोड गरिएको’, ‘प्रयास गरिएको’ जस्ता शब्द प्रयोग गरिएको छ भने सुधार गर्नुपर्ने सूचीमा राखिएका ६ बुँदामा सरकारलाई सचेत गराउने भाषा छनोट गरिएको छ । (विस्तृत)
यती समूहको बचाउमा प्रधानमन्त्री, पार्टीका नेतालाई भने- सबै कानुनसम्मत
यतीलाई दिइएका ६ ठाउँका सरकारी जग्गा कसरी वैध? (विस्तृत)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1786184812.png)
