काठमाडौं- नयाँ सभामुखका रुपमा अग्नि सापकोटा चयन भएका छन्। प्रतिनिधिसभाको आइतबार बसेको बैठकले सापकोटालाई निर्विरोध सभामुखको रुपमा चयन गरेको हो।
सापकोटाको विरुद्धमा सर्वोच्च अदालतमा परेको रिटमाथि आजै सुनुवाइ थियो। तर, 'हेर्न नमिल्ने' हुँदै सो मुद्दा स्थगित भयो।
सापकोटालाई केन्द्रमा राखेर नेपाल लाइभमा आज दिनभर प्रकाशित प्रमुख समाचार शीर्षकहरु:
अग्नि सापकोटाको मुद्दा हरिप्रसाद फुयालको इजलाशमा
प्रतिनिधिसभाको सभामुखका लागि उम्मेदवारी दिएका नेकपाका सांसद अग्नि सापकोटाविरुद्ध दायर भएको रिट निवेदन न्यायाधीश हरिप्रसाद फुयालको एकल इजलाशमा पेशी तोकिएको छ। प्रधान न्यायाधीश चोलेन्द्र शमशेर राणाले आइतवार दुईवटा एकल इजलाश गठन गरेका छन्। न्यायाधीशद्वय पुरुषोत्तम भण्डारी र हरिप्रसाद फुयालको एकल इजलाश रहेको छ। (विस्तृतमा)
सापकोटाको मुद्दा 'हेर्न नमिल्ने' हुँदै सुनुवाइ सर्यो
अग्नि सापकोटाविरुद्ध परेको रिटमाथि आइतबार हुने भनिएको सुनुवाइ स्थगित भएको छ। न्यायाधीश हरिप्रसाद फुयालको इजलाशले मुद्दा हेर्न नमिल्ने भएपछि सुनुवाइ सरेको हो। फुयालले यसअघि कानुन व्यवसायीको रुपमा सापकोटाको विपक्षमा बहस गरेका थिए। (विस्तृतमा)
सभामुख छान्न प्रतिनिधिसभा बैठक सुरु [लाइभ]
रिक्त रहेको प्रतिनिधिसभा सभामुख छान्न संसद् बैठक सुरु भएको छ। आइतबार अन्तर्राष्ट्रिय सम्मेलन केन्द्र नयाँ बानेश्वरस्थित संघीय संसद् भवनमा सभामुख छान्न बैठक सुरु भएको छ। (विस्तृतमा)
अग्नि सापकोटा नयाँ सभामुख
सापकोटा नयाँ सभामुख चयन भएका छन्। आइतबार बसेको प्रतिनिधिसभाको बैठकले उनलाई सभामुख चयन गरेको हो। सभामुखमा उनको एकल उम्मेदवारी थियो। नेकपाका सांसद सुवास नेम्वाङले सापकोटालाई सभामुख पदमा निर्वाचित गरियोस् भनेर प्रस्ताव गरेका थिए। (विस्तृतमा)
अग्नि सापकोटा : 'हेड सर'देखि सभामुखसम्म
कुबिन्डेदेखि संसद् सचिवालयसम्म (विस्तृतमा)
सभामुख सापकोटाविरुद्ध ३ मुद्दा सर्वोच्चमा, के हुन्छ हत्या आरोपको मुद्दा?
नवनिर्वाचित प्रतिनिधिसभा सभामुख अग्नि सापकोटाविरुद्ध दुई थरी मुद्दा सर्वोच्च अदालतमा विचाराधीन छन्। हत्या आरोपमा अनुसन्धान र सभामुखका रुपमा काम गर्न रोक्न माग गर्दै परेका अलगअलग २ मुद्दा सर्वोच्चमा पेसीमा चढेका छन्। आइतबार पेसीमा रहेको दोस्रो मुद्दा हेर्न नमिल्ने न्यायाधीशको इजलासमा पेसी गर्दै सोमबारका लागि सरेको छ। (विस्तृतमा)
सापकोटा सभामुख भएपछि अर्जुन लामाकी श्रीमतीको प्रश्न : मैले कहिल्यै न्याय नपाउने? [भिडियोसहित]
'सरकारलाई भन्न चाहन्छु– हामीले न्याय पाउने हो कि नपाउने हो? सरकारमा बसेको ठूलो मान्छेलाई कारबाही हुँदैन? सानो मान्छे, मान्छे होइनन्? गरिबलाई कानुन हुँदैन?’ (विस्तृतमा)
सभामुख चयनपछि सापकोटाले भने- अदालतको मुद्दाबारे कुरा नगरौं [भिडियो]
‘लोकतन्त्रको मूल्य, मान्यता तथा जनताको सार्वभौम संस्थाको ओज, गरिमा कायम राख्न तटस्थ निष्पक्ष र सन्तुलित भूमिका निर्वाह गर्न सधैंभरि लागिरहनेछु’ (विस्तृतमा)
अग्निपरीक्षा सुरु
सभामुखका रुपमा सापकोटालाई आइपर्ने चुनौतीहरू (विस्तृतमा)
नकारात्मक अन्तर्राष्ट्रिय समुदाय
सभामुखमा सापाकोटा चुनिएपछि अन्तर्राष्ट्रिय अधिकारवादी संस्थाहरू भने नकारात्मक देखिएका छन्।
खासगरी अन्तर्राष्ट्रिय मानवअधिकारका क्षेत्रमा काम गर्दै आएका संस्थाहरू सभामुखमा सापकोटा निर्वाचित भएकोप्रति उदार देखिएका छन्।
इन्टरनेसनल कमिसन अफ जुरिस्ट (आइसिजे), एम्नेस्टी इन्टरनेसनल, ह्युमन राइट्स् वाच र ट्रायल इन्टरनेसनलले विज्ञप्ति निकालेर भनेका छन्, ‘पूर्ण र स्वतन्त्र अनुसन्धान नहुन्जेलसम्म नेकपाले संसदको सभामुखका रूपमा सापकोटाको मनोनयनलाई पुनर्विचार गर्नुपर्दछ।’ सभामुख चयन जस्तो आन्तरिक मुद्दामा अन्तर्राष्ट्रिय संघसंस्था बोल्नुले अन्तर्राष्ट्रिय क्षेत्र सापकोटाप्रति सकरात्मक छैन भन्ने सन्देश दिएको प्रष्ट भएको छ। विस्तृत समाचार : अन्तर्राष्ट्रिय मत अग्निविरुद्ध
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1700232974.jpg)
-1786602170.png)
