काठमाडौं- मंगलबार नेप्से परिसूचकमा ६ दशमलब शून्य ४ अंकको वृद्धि देखिएको छ।
परिसूचकमा सुधार आए पनि कारोबार रकममा खासै वृद्धि भएको छैन। मंगलबार १ सय ६० कम्पनीको २२ करोड ३६ लाख ३१ हजार ७ सय ८ रुपैयाँ बराबरको सेयर किनबेच भएको छ। सोमबारको कारोबारमा भने २० करोड ५९ लाख ३९ हजार ३ सय १५ रुपैयाँ बराबरको सेयर किनबेच भएको थियो।
मंगलबार कारोबारमा आएको फाइनान्स समूहबाहेक अन्य समूहमा हरियाली छाएको छ। फाइनान्स समूह भने १ दशमलब ६१ अंकले घटेको छ।
मंगलबारको कारोबारमा उत्पादन तथा प्रशोधन समूह अन्तर्गतका लगानीकर्ताले सर्वाधिक कमाएका छन्। यो समूहमा ६३ दशमलब शून्य ७ अंकले बढेको छ। त्यस्तै, बिमा समूह २५ दशमलब २८ अंकले बढेको छ। जलविद्युत् समूहमा १३ दशमलब ३८ अंकको वृद्धि देखिएको छ।
मंगलबार नगारिक लगानी कोषको सर्वाधिक सेयर कारोबार भएको छ। कम्पनीको १ करोड २७ लाख ४० हजार ३ सय ८९ रुपैयाँ बराबरको सेयर खरिद-बिक्री भएको हो। त्यस्तै, स्ट्यान्डर्ड चार्टर्ड बैंकको १ करोड ९ लाख १४ हजार रुपैयाँ बराबरको सेयर किनबेच भएको छ।
यो दिन नेपाल कम्युनिटी डेभलपमेन्ट बैंकका लगानीकर्ताले सर्वाधिक कमाएका छन्। कम्पनीको सेयर मूल्य प्रतिकित्ता ८ रुपैयाँ अर्थात् ६ दशमलब ७८ प्रतिशतले बढेको छ। त्यस्तै, समता माइफाइनान्स वित्तीय संस्थाको सेयर मूल्य प्रतिकित्ता २९ रुपैयाँले बढेको छ।
यता, मंगलबार गुमाउनेमा बरुण आइड्रोपावर अन्तर्गतका लगानीकर्ता छन्। कम्पनीको सेयर मूल्य प्रतिकित्ता ५ दशमलब ६७ प्रतिशतले घटेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791645793.png)
-1786602170.png)
