नापिदाउ– म्यानमारको संसदले विन मिन्टलाई नयाँ राष्ट्रपतिको रुपमा चयन गरेको छ।
अघिल्लो साता बिग्रदो स्वास्थ्य स्थितीको कारण देखाउँदै हितिन क्याउले राष्ट्रपति पदबाट राजिनामा दिएपछि नयाँ राष्ट्रपति नियुक्तिका लागि एक साताको समय तोकिएको थियो।
आङ सान सुकीको नजिकको नेता मानिने मिन्ट सन् २०१२ देखि म्यानमारको तल्लो सदनको सभामुख भएर काम गरिसकेका छन्। सो पदमा रहँदा उनले निर्वाह गरेको भूमिकाको प्रशंषा हुँदै आएको छ।
क्याउको राजिनामापछि मिन्टलाई उपराष्ट्रपति चयन गरिएको थियो। तर पछिल्लो एक साताको बहस र छलफलपछि बुधबार संसदमा भएको मतदानबाट अन्य २ प्रतिस्पर्धीलाई पछि पार्दै ६६ वर्षीय मिन्ट राष्ट्रपतिमा निर्वाचित भएका हुन्।
मिन्टसँगै राष्ट्रपति हुने दौडमा क्याउको राजिनामापछि कार्यकारी राष्ट्रपतिको भूमीकामा रहेका मिन्ट स्वे र अर्का उपराष्ट्रपति हेनरी भान थिए। नेत्री सुकीको पार्टी नेसनल लिग फर डेमोक्रेसीमा लामो समयदेखि सदस्य रहेका मिन्टलाई सुकीको विश्वास पात्रका रुपमा लिइन्छ।
राष्ट्रपतिमा निर्वाचित भइसकेपछि मिन्टलाई देशको आर्थिक स्थितीलाई मजबुत बनाउने, सीमा क्षेत्रमा रहेको रोहिंग्या मुसलमान र बुद्धिष्ट समुदायबिचको कटुतालाई मत्थर गर्ने तथा अन्यत्र विस्थापित भएका रोहिंग्या शरणार्थीलाई घर फर्काउनेजस्ता चुनौती हुनेछन्।
तर पछिल्लो एक दशकमा सेनाको विना हस्तक्षेप पूर्ण रुपमा प्रजातान्त्रिक प्रक्रियाबाट राष्ट्रपतिमा चुनिएको र राष्ट्रिय सेना पनि सरकारबाटै निर्देशित हुने भएकोले मिन्टलाई केहि सहज हुने अनुमान गरिएको छ।
मंगलबार मनाइएको सशस्त्र फौज दिवसमा सेनामा प्रमुखले देशको भविष्यका लागि सेनाले महत्वपूर्ण भूमिका निर्वाह गर्ने बताएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791984972.png)
-1786602170.png)
