काठमाडौं– शुक्रबारबाट नेपाली हलमा तीन नेपालीसहित एक बलिउड फिल्म प्रदर्शनमा आएका छन्। फिल्म ‘पञ्चायत’, ‘डेस्टिनेशन काठमाडौं’, ‘इन्काउन्टर गल्ली’ र बलिउड फिल्म ‘रेड’ आजबाट प्रदर्शनमा आएका हुन्।
ऐतिहासिक विषयवस्तुमा आधारित ‘पञ्चायत’ ले देशभरमा ५ दर्जन बढी हलहरुमा प्रदर्शनको मौका पाएको छ। गत शुक्रबार राजधानीमा आयोजना गरिएको भिआइपी शोमा फिल्मले उत्कृष्ट प्रतिक्रिया पाएको थियो। फिल्म पञ्चायतसँगै हलमा लागेका अन्य २ वटा फिल्मको प्रचारप्रसार न्युन देखीएकाले फिल्म पञ्चायतका लागि यो हप्ता निकै सुखद रहने देखिन्छ।
शिवम् अधिकारीको निर्देशनमा तयार फिल्ममा अभिनेत्री निता ढुंगाना, अभिनेता सरोज खनाल, रुपा राणा, जाहान्वी बस्नेत लगायतका कालाकारहरुको अभिनय रहेको छ। फिल्ममा सरोज खनालले पञ्चायती व्यवस्था अनुरुप पञ्चभलाद्मीको भूमिका निर्वाह गरेका छन् भने, निताले १४ वर्षे युवतीको भूमिका निर्वाह गरेकी छन्।
त्यसैगरी डेस्टिनेसन काठमाडौं पनि आजैबाट प्रदर्शनमा आएको छ। स्वर्गीय निर्देशक दीपक रायमाझीको ड्रिम प्रोजेक्टका रुपम रहेको फिल्मलाई लामो समयपछि आजबाट प्रदर्शनमा ल्याइएको हो। शरद अधिकारीको निर्माण रहेको फिल्ममा देशको पर्यटन क्षेत्रको विकासमा टेवा पुर्याउने उदेश्यका साथ विदेशी नागरिकहरुलाई नेपालप्रतिको आर्कषण बढाउने विषयवस्तुलाई फिल्ममा देखाउन खोजिएको छ।
फिल्ममा दीलिप राइमाझी, झरना थापा, केशव भट्टराई, विक्रम मल्ल ठकुरी लगायतका कलाकारहरुको अभिनय रहेको छ।
बिना प्रचारप्रसार हल प्रवेश गरेको फिल्म ‘इन्काउन्टर गल्ली’लाई निर्देशक एनआर घिमिरेले निर्देशन गरेका हुन् भने फिल्मलाई राजन चौलागाइले निर्माण गरेका हुन्।
एक्सन प्रधान भनिएको फिल्ममा गजित बिष्ट, नवराज राउत, स्वेता खड्का, राजन चौलागाई लागायतका कलाकारहरुको अभिनय रहेको छ।
बलिउड फिल्म ‘रेड’ पनि आजैबाट प्रदर्शनमा आएको छ। अजय देवगनको मुख्य अभिनय रहेको फिल्ममा उनी एक कर अधिकृतको भूमिकामा देखिएका छन् । यसअघि फिल्म गोलमाल अगेनमा देखिएका अजयको रेड पनि उनका फ्यानहरुका लागि प्रतीक्षाको फिल्म बनेको थियो।
इलियाना डिक्रुजको निमार्ण रहेको फिल्म ‘रेड’नेपालमा भने अधिकांश मल्टिप्लेक्स हलहरुमा लाग्ने देखिन्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791965585.png)
-1791964075.png)
-1787821305.jpg)
-1786602170.png)
