एजेन्सी- पाकिस्तानको सर्वोच्च अदालतले सेना प्रमुख जनरल कमर जावेद बाजवाको कार्यकाल छ महिना थप गरेकोछ। अदालतले बिहीबार साँझ फैसला सुनाएसँगै पाकिस्तानी प्रधानमन्त्री इमरान खानलाई ठूलो राहत मिलेको छ।
सर्वोच्च अदालतले आफ्नो आदेशमा भनेको छ, ‘सेनापतिको रुपमा जनरल बाजवाको वर्तमान नियुक्ति छ महिनाको हुनेछ। नयाँ कानुन लागू भएपछि उनको अर्को कार्यकाल तय हुनेछ।’ प्रधानमन्त्री इमरान खानले सेना ऐनमा संशोधन गर्नुपर्ने छ र यो संसदबाट स्वीकृत हुनेछ। त्यसपछि इमरान खानलाई सेना प्रमुखको कार्यकाल बढाउन सूचना जारी गर्ने अधिकार हुनेछ।
यस छ महिनामा इमरान खानको सरकारले सेना प्रमुखको कार्यकाल विस्तार भएपछि संसदमा नयाँ नियम बनाउने छ। मुख्य न्यायाधीश आसिफ सईद खोसा, न्यायाधीश मियां मजहर आलम खान र न्यायाधीश सै्यद मन्सूर अली शाहको इजलासले यो निर्णय गरेको हो।
जनरल कमर जावेद बाजवाको सेना प्रमुखको कार्यकाल थप्ने सुनुवाई अदालतमा चलिरहँदा पाकिस्तानमा यस विषयमा चर्चा चलिरहेको थियो। सेना प्रमुखका रूपमा जावेद बाजवाका कार्यकाल शुक्रबार समाप्त हुँदै थियाे। यद्यपि प्रधानमन्त्री खानले पहिले नै कार्यकाल तीन बर्षका लागि थप गरिसकेका थिए।
सर्वोच्च अदालतका मुख्य न्यायाधीश खोसाको अध्यक्षतामा तीन न्यायाधीशहरुको बेञ्चमा कार्यकाल थपको विरूद्ध तीन दिन सुनुवाइ भएको थियो।
सर्वोच्च अदालतले इमरान खानको निर्णय रद्द गर्छ कि भन्नेमा धेरै मानिसहरूलाई शंका थियो। खान सरकार पनि द्विधामा थियो। मन्त्रिपरिषद्को आपतकालिन बैठक पनि बसेको थियो। कानुनमन्त्री राजीनामाको तयारीमा थिए। कानुनमन्त्रीले राजीनामा गरेपछि सर्वोच्च अदालतले जनरल बाजवाको म्याद थप गर्ने पक्षमा निर्णय गर्ने तर्क गरेका थिए।
प्रधानमन्त्री इमरान खानले ट्विट गरेर सर्वोच्च अदालतको निर्णयमा खुसी व्यक्त गरेका छन्। उनले ट्विटमा भनेका छन्, ‘२३ बर्षअघि हाम्रो पार्टीले स्वतन्त्र न्यायपालिका र कानुनको पक्षमा पहिलो पटक वकालत गरेको थियो। २००७ मा पिटिआईले न्यायपालिकाको स्वतन्त्रताको लागि आन्दोलन सुरु गरेको थियो। र यसका लागि म जेल पनि गएको थिएँ। म खोसाका लागि ठूलो सम्मान व्यक्त गर्दछु। उनी पाकिस्तानको उत्कृष्ट कानुनविद् हुन्।’
.JPG)
सत्तामा आउनुभन्दा पहिले इमरान खान सेना प्रमुखको कार्यकाल विस्तार गर्ने पक्षमा थिएनन्। उनले भनेका थिए ‘कुनै पनि सेना प्रमुखको कार्यकाल बढाउनु भनेको सेनाको नियम परिवर्तन गर्ने काम हो। जुन सेनालाई संस्थागत रुपमा कमजोर पार्छ।’
२०१० मा पाकिस्तान पिपुल्स पार्टीको सरकारमा सेना प्रमुख रहेका असफाक परवेज कयानीको कार्यकाल विस्तार भएपछि इमरानको भनाइ आएको थियो।
त्यसबेला टेलिभिजनको अन्तर्वार्तामा इमरानले भनेका थिए, ‘ऐतिहासिक रुपमा युद्ध नै भइरहेको भए पनि पश्चिमा देशहरूले पनि आफ्ना सेना प्रमुखको कार्यकाल विस्तार गर्दैनन्। संस्थाले उनीहरूको नियमलाई पछ्याउछ। तर, जब यो एक व्यक्तिको लागि परिवर्तन गरियो भने संस्था ध्वस्त हुन्छ। जस्तै जनरल परवेज मुशर्रफले गरे र सबै तानाशाहहरूले गरिरहेका छन्।
जनरल राहिल शरीफले अवकास लिनुभन्दा १० महिनाअघि कार्यकाल बढाउने विषय अस्वीर हुने घोषणा गरेका थिए। यो घोषणले उनको कद उचो भएको इमरानले ट्विटमा भनेका थिए। पाकिस्तान निर्माणदेखि नै सेनाले महत्वपूर्ण भूमिका खेलेको छ। सेनाको जहिले पनि सरकारमा प्रत्यक्ष र अप्रत्यक्ष भूमिका रहेको छ। इमरान खानले जनरल कमर जावेद बाजवाको कार्यकाल विस्तार गर्ने सन्दर्भ सुरक्षा चिन्तालाई ध्यानमा राखी आवश्यक रहेको बताएका थिए।
बिबिसी हिन्दीबाट
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768716527.png)
-1768712852.png)
-1764146706.png)
-1768395492.png)
