मन्त्रीको नाम टुंग्याउन नेकपा सचिवालय बैठक भोलि बिहान ९ बजे

नेपाल लाइभ | २०७६ मङ्सिर ३ मंगलबार | Tuesday, November 19, 2019 २२:०२:०० मा प्रकाशित

काठमाडौं- लामो समयदेखि चर्चामा रहेको मन्त्रिपरिषद् पुनर्गठनको विषय टुंग्याउन सत्तारढ दल नेपाल कम्युनिस्ट पार्टीको सचिवालय बैठक बुधबार (भोलि) बस्ने भएको छ। 

बिहान ९ बजेका लागि सचिवालय बैठक बोलाइएको नेकपाले जानकारी दिएको छ।

नयाँ बन्ने मन्त्रिपरिषद्‍मा सहभागी हुने र हालको मन्त्रिपरिषद्‍मा रहेका मन्त्रीहरूको बहिर्गमनको विषय सचिवालय बैठकले तय गर्ने बताइएको छ। 

बुधबार नै नयाँ मन्त्रीले शपथ ग्रहण गर्ने यसअघि नै तय भइसकेको छ। बुधबार दिउँसो ४ बजे नयाँ मन्त्रीहरूको सथप ग्रहणको कार्यक्रमका लागि तयारी गरिएको प्रधानमन्त्री निवास बालुवाटार स्रोतले जनाएको छ।  

यसअघि आज (मंगलबार) बसेको मन्त्रिपरिषद् बैठकमा प्रधानमन्त्री केपी ओलीले बुधबार मन्त्रिपरिषदमा नयाँ सदस्य ल्याउन लागेको जानकारी दिएका थिए।

'प्रधानमन्त्रीले बुधबार नै नयाँ मन्त्रीले सपथ खाने जानकारी दिनुभयो', बैठकमा सहभागी एक मन्त्रीले नेपाल लाइभसँग भने, 'अहिलेसम्मको कार्यकालका लागि धन्यवाद दिनुभयो।'

प्रधानमन्त्रीले हट्ने मन्त्रीहरू र नयाँ आउने मन्त्रीका बारेमा भने केही नखुलाएको ती मन्त्रीले दाबी गरे।

उनका अनुसार, नयाँ साथीहरूलाई पनि अवसर दिन आफूले यस्तो निर्णय लिएकाले पदमुक्त हुने साथीहरूले चित्त नदुखाउन आग्रह गरेका थिए।

उनले पार्टीका काममा भूमिका खेल्न पदमुक्त हुने मन्त्रीहरूलाई आग्रह थिए।

प्रधानमन्त्रीले मन्त्रीहरूलाई भोलि औपचारिक कार्यक्रम नराख्न पनि सुझाएका थिए।

मन्त्रिपरिषद् पुनर्गठनका लागि सत्तारूढ दल नेकपाले प्रधानमन्त्रीलाई आइतबार नै सैद्धान्तिक सहमति दिएको थियो।

त्यसयता नेकपाका नेताहरूबीच तीव्र भेटवार्ता भएको थियो।

स्वर्ण रजत कास्य जम्मा
भारत
१०६ ६९ ३५ २१०
नेपाल
४३ ३३ ६२ १३८
श्रीलंका
३० ५४ ८३ १६७
पाकिस्तान
२१ २८ ३४ ८३
बंगलादेश
२२ ५४ ८३
माल्दिभ्स
भुटान