काठमाडौं– सरकारले कमलविनायक–नगरकोट सडक विस्तारको काममा चौथो पटक सयम थप गरेको छ। समय थपसँगै लागत पनि बढ्दै गएको छ।
पहिलो पटक २०७१ जेठ २२ गते २७ लाख ९० करोड रुपैयाँमा सकड विस्तारको लागि भक्तपुर–नगरकोट–सिपाघाट आयोजनले शैलुङ एआइपीलसँग २०७३ असार २ गतेसम्म सडक निर्माण सम्पन्न गर्ने गरी सम्झौता गरेको थियो। तर, ठेकेदारले समयमै काम सम्पन्न नगरीपछि पहिलो पटक २०७३ कात्तिक ३ गते एक वर्षको लागि समय आयोजनाले समय थप गरेको थियो।
उक्त समयमा पनि सडक निर्माणको काम सम्पन्न नभएपछि पुनः आयोजनाले दोस्रोपटक २०७४ कात्तिकका करिब ९ महिनाको समय थप गरेको थियो। उक्त थपिएको समयमा पनि ठेकेदारले सडक निर्माणको काम सम्पन्न गरेन।
निर्माणमा बारम्बार समय थप हुँदा पनि लापरबाही गर्ने ठेकेदारलाई कारबाहीको सट्टा आयोजनाले तेस्रो पटक समय थप गरेको थियो। तेस्रोपटक आयोजनाले २०७५ जेठमा समय थप गरेको थियो। तेस्रो पटकको समय थपमा पनि ठेकेदारले काम सम्पन्न नगरेपनि पुनः चौथो पटक २०७७ बैशाख ७ गतेभित्र काम सम्पन्न गर्नुपर्ने सर्त सहित समय थप गरेको छ।
पटक–पटक सयम थप भएपनि निर्माण कम्पनी ५ वर्षभन्दा बढीको सयममा ६५ प्रतिशत मात्रै काम सम्पन्न गरेको आयोजनाको भनाइ छ। सुरुमा ठेक्का सम्झौता गर्दा २७ करोड ९० लाख रुपैयाँ लागत रहेको आयोजनाको रकम पनि अहिले ३१ करोड ७४ लाख पुगिसकेको छ।
लागत रकम पनि चार पटकसम्म सयम थप हुँदा ३ करोड ८४ लाख रुपैयाँले बढेको छ। आयोजनाले चौथो पटक सयम थप गर्दा ठेकेदार कम्पनी १० प्रतिशत जरिवान तिर्न सहमतभएका कारण सम्झौता अवधि बढाइएको जनाएको छ। ठेकेदारले ४ वर्ष भन्दा बढी हुँदा १६ किलो मिटर सडक मध्ये ३ किलो मिटर सडक मात्रै कालोपत्रे गरेको छ।
६५ प्रतिशत काम गरेको ठेकेदारले अहिलेसम्म ५४ प्रतिशत अर्थात १७ करोड ३१ लाख रकम लिइसकेको आयोजनाको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791363924.png)
-1786602170.png)
