काठमाडौं- सरकारले चालु आर्थिक वर्षको आर्थिक ऐन संशोधन गर्दै केही वस्तुमा लगाइएको करको दर परिमार्जन गरेको छ। आर्थिक वर्षको पहिलो ४ महिना सकिनै लाग्दा आर्थिक ऐन संशोधन गरेर करछुटका दिइएको हो।
अर्थ मन्त्रालयका अनुसार कुखुरापालन व्यवसायका लागि आवश्यक पर्ने फुलको आयातमा लाग्ने भन्सार महसुलमा ५० प्रतिशत छुट दिइएको छ। यसैगरी तयारी रङ उत्पादन गर्ने उद्योगको कच्चा पदार्थको रुपमा प्रयोग हुने एक्रेलिक इमल्सनमा ३० प्रतिशत भन्सार महसुल लाग्ने व्यवस्था रहेकोमा यी वस्तु उद्योगकै नाममा आयात भएको पाइएपछि २० प्रतिशत मात्रै भन्सार लगाउने निर्णय भएको छ।
व्यापारिक प्रयोजनका लागि पैठारी हुने सुनमा प्रति १० ग्राम १५ सय रुपैयाँ भन्सार बढाइएको छ। यसअघि यस्तो सुनमा ५ हजार रुपैयाँ भन्सार लाग्दै आएकोमा अब ६५ सय बनाइएको छ। यस्तै यही परिमाणको चाँदीमा ५६ रुपैयाँ भन्सार लाग्दै आएकोमा अब ७५ बनाइएको छ। यसैगरी सुनका गहनामा लाग्ने भन्सारमा पनि परिमार्जन गरिएको छ।
यस्तै यसैगरी ५० ग्राम काँचो सुन ल्याउँदा लाग्ने भन्सार दरमा पनि परिमार्जन गरिएको छ। ५० ग्रामसम्म यस्तो सुन ल्याउँदा प्रति १० ग्राम ६ हजार २ सय भन्सार लाग्ने व्यवस्था रहेकोमा अब ७ हजार ५ सय रुपैयाँ लाग्नेछ। यस्तै ५० ग्रामभन्दा बढी थप ५० ग्राम सुन ल्याउँदा प्रति १० ग्राम ८ हजार ५ सय रुपैयाँ भन्सार लाग्ने व्यवस्था पनि संशोधनमार्फत गरिएको छ।
यसैगरी ५० ग्राम सुन ल्याउँदा भन्सार नलाग्ने व्यवस्था यथावत छ। त्यसपछिको ५० ग्राम आयात गर्दा यसअघि प्रति १० ग्राम ७ हजार २ सय लाग्ने व्यवस्था रहेकोमा अब ८ हजार ५ सय रुपैयाँ भन्सार लाग्नेछ। योभन्दा पनि धेरै परिमाणमा सुन ल्याएमा प्रति १० ग्राम ९ हजार भन्सार लाग्नेमा अब १० हजार रुपैयाँ लाग्नेछ।
वाइनमा अन्त:शुल्क छुट
सरकारले केही वाइनमा पनि अन्त:शुल्क छुट दिए छ। स्वदेशमा उत्पादिन फलफूल र तिनका सारबाट बनेको १२ प्रतिशतसम्म अल्कोहलको मात्रा भएको स्वदेशी वाइनबाहेकका अन्य वाइनमा अन्त:शुल्क ३० प्रतिशत छुट दिने निर्णय पनि भएको छ। सरकारले अन्त:शुल्क शीषक नम्बर २२०४ मा १७ प्रतिशतभन्दा धेरै अल्कोहल भएका वाइन पर्दछन्। उनीहरुको प्रतिलिटर ३२५ रुपैयाँ अन्त:शुल्क लाग्ने व्यवस्था थियो।
सरकराले कपालमा प्रयोग हुने कस्मेटिकजन्य मालवस्तुमा ५ प्रतिशतको सट्टा १० प्रतिशतका दरले अन्त:शुल्क लगाउने निर्णय पनि गरेको छ। यसैगरी फलाम वा इस्पातको सरसफाईसम्बन्धी सामान र तिनका पाटपुर्जामा ५ प्रतिशत अन्त:शुल्क लगाउने पनि निर्णयमा उल्लेख छ। कफीजन्य मालवस्तुमा पनि १० प्रतिशत अन्त:शुल्क लगाउने निर्णय भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
1693220145.jpg)
-1786602170.png)
