काठमाडौैं– मकाउमा आकर्षक रोजगारीको प्रलोभन दिएर टर्की पुर्याउने एक व्यक्तिलाई सिआईबीले पक्राउ गरेको छ। ओम प्रकाश पञ्जिायरलाई पक्राउ गरी सिआईबीले मानब बेचबिखन तथा ओसारपसार मुद्दामा कारबाही अघि बढाएको छ।
परियारले खोटाङका टिकाराम बिश्वकर्मा र मोरङका किरण मगरसँग १३ लाख रुपैयाँ लिएर भारत हुँदै टर्की पठाएका थिए। टर्कीमा अपहरणमा परेका उनीहरु फिरौती बुझाएर गत फागुन ४ गते नेपाल आइपुगेका थिए।
गत जेठ २१ गते उनीहरु ओमान जान भनेर स्वयम्भुबाट नयाँदिल्लीको बस चढेका थिए। प्रतिव्यक्ति ६ लाख ५० हजार रुपैयाँ लिएपछि पञ्जियारले नै उनीहरलाई लिएर दिल्ली गएका थिए। दिल्लीबाट भिषा लगाई मकाउ पठाउने आश्वासन दिइएको थियो। तर, २ महिना कुर्दा पनि उनीहरुलाई दलालहरुले मकाउ पठाउन सकेनन्।
त्यसपछि टर्की पठाउने आश्वासन दिए। भदौ २१ गते उनीहरु टर्की पुगे।
त्यहाँ निकै आकर्षक जागिरको प्रलोभन दिइएको थियो। तर, राम्रो काम पाएनन्। थोरै तलबमा निकै कठिन कामहरु उनीहरुलाई लगाइयो।
त्यही क्रममा तीान साताअघि चिनजानकै साथीहरुसँग मिलेर उनीहरुलाई पाकिस्तानीहरुले अपहरण गरे। फिरौती नदिए मारिदिने भन्दै नेपालका आफन्तहरुसँग फोन गर्न लगाए।
आफन्तहरुसँग हारगुहार गरेर उनीहरुले कतारमार्फत १३ हजार डलर पाकिस्तान पठाएका थिए। त्यसपछि एक साता बन्धक बनाएर उनीहरुलाई पाकिस्तानी गिरोहले मुक्त गरेका थिए।
मुक्त गरेपछि उनीहरु नेपाल आएर पञ्जियारविरुद्ध उजुरी गरेका हुन्। पञ्जियारलाई सिआईबीले मंगलबार काठमाडौं जिल्ला अदालतबाट थुनामा राख्न म्याद लिएको छ। उनीहरुलाई टर्की पठाउने र अपहरणमा सहयोग गर्ने समूहमाथि पनि अनुसन्धान भइरहेको सिआईबीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1773582775.jpg)
-1773578720.png)
-1764146706.png)
