सांसद पार्वत गुरुङलाई साधारण तारखेमा छाड्न अदालतको आदेश

नेपाल लाइभ

नेपाल लाइभ आइतबार, कात्तिक ३, २०७६ १७:१५

काठमाडौं– सत्तारुढ नेपाल कम्युनिस्ट पार्टी (नेकपा)का सांसद पार्वत गुरुङलाई जिल्ला अदालत काठमाडौंले साधारण तारेखमा छाड्न आदेश दिएको छ।

दोलखाबाट प्रतिनिधिसभा सदस्यमा निर्वाचित गुरुङलाई ज्यान मार्ने उद्योग मुद्दामा जिल्ला अदालत काठमाडौंले ३५ दिने म्याद जारी गरेको थियो।

अदालतमा म्याद जारी गरेपछि सांसद गुरुङले आइतबार अदालतमा उपस्थित भएर बयान दिएका थिए।

उनको बयान सकिएपछि साधारण तारेखमा छाड्ने आदेश दिएको जिल्ला अदालतले जनाएको छ।

अदालतले जारी गरेको म्ययाद जिल्ला प्रहरी कार्यालय दोलखाले तामेली गरेको थियो।

सांसद गुरुङसहित ७ जनाविरुद्ध अदालतले म्याद जारी गरेको थियो। उनीहरूमाथि निर्वाचनका समयमा एक व्यक्तिमाथि ज्यान मार्ने उद्देश्यले सांघातिक आक्रमण गरेको भन्दै मुद्दा दायर भएको थियो।

गुरुङविरुद्ध दोलखाका वीरध्वज खड्काले किटानी जाहेरी दिएका थिए।

उक्त जाहेरीका आधारमा नेकपाका केन्द्रीय सदस्यसमेत रहेका सांसद गुरुङसहित ७ जनाविरुद्ध २९ वैशाख ०७६ मा काठमाडौँ जिल्ला अदालतमा कर्तव्य ज्यान मुद्दा दायर भएको थियो।

सो मुद्दामा सुनुवाई गर्दै अदालतले बयानका लागि बोलाएको हो।

०७४ वैशाखमा भएको स्थानीय निर्वाचनमा खड्कामाथि काठमाडौँमा आक्रमण भएको थियो।

त्यसमा गुरुङ पनि संलग्नता भएको भन्दै उनीविरुद्ध खड्काले ज्यान मार्ने उद्योगमा जाहेरी दिएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

ह्याप्पी हिल्स: स्काईवाक र मनमोहक दृश्य हेर्ने गन्तव्य

रविमाथि अनुसन्धान गर्न १५ दिन म्याद थप

कांग्रेसको केन्द्रीय कोषाध्यक्षमा उमेश श्रेष्ठ