भक्तपुर– शारिरिक सम्बन्ध राख्ने विषयमा झगडा हुँदा प्रहरीले भक्तपुरमा २ युवक र २ युवतीलाई पक्राउ गरेको छ।
सूर्यविनायक नगरपालिका–५ सृजनानगर डेरा गरी बस्ने सर्लाहीको बरहथवा घर भएका २२ बर्षीय अमिर पण्डित र सोही ठाउँ घर भई काठमाडौँ बानेश्वर बस्ने २८ बर्षीय सन्दिप रायलाई प्रहरीले पक्राउ गरेको हो। उनीहरुसँगै दुई किशोरीलाई पनि प्रहरीले पक्राउ गरेको छ।
प्रहरीका अनुसार सोमबार युवकले किशोरीलाई बाटोमा चिनजान गरेका थिए। उनीहरु दुवै जना केटाको कोठामा जान तयार भए। एक किशोरीले पण्डितसँग सहमतिमै सम्बन्ध राखिन्। रायले पनि सम्बन्ध राख्न खोज्दा उनले मानिनन्। त्यसपछि युवकले चक्कु देखाएर आफ्नै साथी र युवतीलाई धम्काएका थिए। चक्कु देखाएर धम्काएपछि पण्डितले प्रहरीलाई खबर गरेका थिए। भक्तपुर प्रहरीले चारै जनालाई नियन्त्रणमा लिई अनुसन्धान गरीरहेको छ। चारै जना थुनामा राखेको र कुनै पनि पक्षले उजुरी नदिएको भक्तपुर परिसरका डिएसपी कृष्ण प्रसाईले बताए।
पक्राउ परेका एक युवक पेन्टर हुन् भने अर्का बैदेशिक रोजगारीमा जाने तयारीमा रहेका व्यक्ति हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
