काठमाडौँ– अभिनेत्री साम्राज्ञी राज्यलक्ष्मी शाहले आफूले ‘गाउँले मन पर्दैन’ भन्ने अभिव्यक्ति नदिएको स्पष्ट पारेकी छिन्। फेसबुकमा एक स्ट्याटस पोस्ट गर्दै उनले नेपालका हरेक परिवेशलाई उत्तिकै सम्मान गर्ने बताएकी छिन्।
उनले समय र परिस्थिती मिलेमा सबै परिवेश र सबै किसिमका जीवनशैली झल्किने भूमिकामा अभिनय गर्न आफू तयार रहेको बताएकी हुन्।
आफूले बोल्दै नबोलेको र अहिलेसम्म सोच्दै नसोचेको कुरालाइ समाचार बनाएर सम्प्रेषण गरिएकोप्रति उनले दुःख व्यक्त गरेकी छिन्। सो समाचार अहिले सामाजिक सञ्जालमा भाइरल भइहेकोले तनाव भएको समेत उनले खुलाएकी छिन्। उनले लेखेकी छिन्, ‘उक्त समाचार सामाजिक सञ्जालमा निकै भाइरल भइरहेको कारण मलाई अनावस्यक तनाव भइरहेको छ।’
आफू नेपाली चलचित्रमा नवप्रवेशी कलाकार भएको बताउँदै साम्राज्ञीले सबै किसिमका भूमिकाहरु उत्तिकै प्यारा लाग्ने तथा ति भूमिकाहरुमा अभिनय गर्न पाएको खण्डमा केहि नयाँ कुरा सिक्न पाउने आशा लागिरहने बताएकी छिन्।
कामको चाप तथा समय अभावका कारण आफूलाई आएका केही चलचित्रका प्रस्ताव अस्विकार गर्दा एक निर्माताले आफूविरुद्ध यस्तो अफवाह फैलाएको उनको दावी छ।
उनले भनेकी छिन्, ‘कामको चाप अनि समयको अभावका कारण मैले प्रस्ताव आएका केही चलचित्रहरुमा काम गर्न सक्ने अवस्था थिएन। त्यो मेरो नितान्त निजी मामला थियो। स्क्रिप्ट मन परेको थियो। काम गर्ने टीम मन परेको थियो। सबै कुरा मन परेर पनि समय अभावको कारण मैले त्यो प्रोजेक्टमा काम गर्न सकिनँ।’
उनले ‘ड्रिम्स’ र ‘ए मेरो हजुर २’मा अभिनय गरेकी छिन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791984972.png)
-1786602170.png)
