मुम्बई (एजेन्सी)– कुनै पनि कलाकारका लागि बलिउडमा स्थापित हुनु सोचेजति सहज छैन्। भारतको मायानगरी मानिने मुम्बईमा हरेक दिन कलाकार बन्ने सपना बुनेर हजारौं मानिसहरू बाहिरबाट आउने गर्छन्। तर, सबैको सपना पुरा हुँदैन्। बलिउडमा स्थापित हुन अभिनयको हुनर मात्र जानेर पुग्दैन, यसका लागि ‘गडफादर’ पनि चाहिन्छ। भारतीय सिनेमामा यस्ता धेरै कलाकार आए, जसमा अभिनयको ठूलो सम्भावना झल्किन्थ्यो। तर, उनीहरू कालान्तरमा विलाएर गए।
बलिउडमा आफ्नो ‘गडफादर’ नभएरपनि स्थापित हुने थोरै कलाकार छन्, जसले अहिले डंका पिटिरहेका छन्। यी कलाकार हुन्, राजकुमार राव, भूमी पेडनेकर, आयुष्मान खुराना, राधिका आप्टे र सुशान्त राजपुत।
राजकुमार रावले आफ्नो हुनरको बलले बलिउडमा आफूलाई स्थापित गरेका छन्। उनले दुईवटा फिल्मका लागि यस वर्ष फिल्मफेयर अवार्ड जितेका थिए। उनको ‘बरेली कि बर्फी’ र ‘न्युटन’ ले खुब तारिफ कमाएको थियो।
यस्तै, ‘दम लगा के हैसा’ मा आफ्नो अभिनयले मन्द्रमुग्ध पारेकी युवा अभिनेत्री भूमी पेडनेकरले बलिउडमा छुट्टै स्थान बनाएकी छिन्। थुप्रै ठूलो ब्यानरको फिल्ममा काम गरेकी उनी अहिले निकै चर्चामा छिन्। उनले ‘टवाइलेटः एक प्रेम कथा’ र ‘शुभ–मंगल शुभधन’ मा पनि काम गरेकी थिइन्।
‘रियालिटी सो’ को उपाधि जितेर चर्चामा आएका आयुष्मान खुराना पनि बलिउडमा अहिले स्थापित अनुहार मानिन्छन्। उनले २०१२ मा सुजित सरकारको फिल्म ‘विकी डोनर’ बाट बलिउडको यात्रा सुरु गरेका थिए। उनले पनि दुईवटा फिल्म फेयर अवार्ड जितिसकेका छन्। ‘दम लगाके हैसा’, ‘बरेली कि बर्फी’ र ‘शुभ मंगल शुभधन’ मा पनि उनले काम गरिसकेका छन्।
आफ्नो फिल्मी करिअर स्टेज अभिनेत्रीबाट गरेकी राधिका आप्टे अहिले निकै चर्चामा छिन्। उनको ‘पेडम्यान’ रिलिजको तयारीमा छ। उनले बंगाली, मराठी र दक्षिण भारतको फिल्ममा काम गरिसकेकी छिन्। उनको तमिल फिल्म ‘कवाली’ २०१६ मा रिलिज भएको थियो।
सुशान्त सिंह राजपुत पनि बलिउडका स्थापित कलाकार हुन्। उनले पनि राधिका जस्तै करिअरको सुरुवात थिएटरबाट गरेका थिए। २०११ मा बलिउडमा इन्ट्री गरेका उनी आज ठूलो प्राजेक्टमा काम गरिरहेका छन्। भारतीय क्रिकेटका पूर्व कप्तान महेन्द्रसिंह धोनीको बायोपिकमा उनको अभिनयको खुब तारिफ भएको थियो। उनको केदारनाथ रिलिजको तयारीमा छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791984972.png)
-1786602170.png)
