मुम्बई- भारतले तेस्रो स्कर्पेन श्रेणीको पन्डुब्बी ‘आइएनएस करन्ज’ सार्वजिनिक गरेको छ। बुधबार भारतको मुम्बईस्थित मजागोन सिपविल्डर्स लिमिटेड(एमडिएल)मा भारतले तयार गर्न लागेको ६ पन्डुब्बीमध्ये तेस्रो पनडुब्बी सार्वजनिक गरिएको भारतीय नौसेनाका एक अधिकारीले बताए।
भारतीय नौसेनालाई प्रयोगका लागि अनुमति दिनु अघि यसलाई करिब १ वर्षभन्दा बढि परिक्षण गरिनेछ।
भारतीय नौसेनाले ‘प्रोजेक्ट ७५’ अन्तर्गत बनाएको यो तेस्रो पनडुब्बी हो। जसअन्तर्गत डिजेल तथा विद्युतीय दुबै तरिकाबाट आक्रमण गर्न सकिने ६ वटा पन्डुब्बी तयार हुँदैछन।
यसअघि गत डिसेम्बर १४ का दिन भारतीय प्रधानमन्त्री नरेन्द्र मोदीले पहिलो पनडुब्बी ‘आइएनएस कालभारी’ को संचालनका लागि स्विकृति दिएका थिए। जो सन् २०१५ अप्रिल ६ मा सार्वजनिक गरिएको थियो। यस्तै दोस्रो पन्डुब्बी ‘आइएनएस खानदेरी’ गत वर्षको जनवरीमा सार्वजनिक भई हाल परिक्षणको क्रममा रहेको छ।
निर्माण तथा प्रविधि हस्तान्तरण सम्झौता(टिओटी) अन्तर्गत भारतीय नौसेनाले ६ वटा स्कर्पेन श्रेणीका पनडुब्बी निर्माणका लागि फ्रान्सेली कम्पनी एमएस नाभाल ग्रुपलाई जीम्मा दिएको छ। सम्झौताअनुसार एमएस नाभाल ग्रुपले २००५ को अक्टोबरबाट पनडुब्बी निर्माण कार्य थालेको हो।
हाल भारतसँग १५ वटा पनडुब्बी रहेका छन्। भारतीय नौसेनाले दिएको जानकारीअनुसार स्कर्पेन श्रेणीका पनडुब्बीलाई धेरै सैनिक मिसनका लागि प्रयोग गर्न सकिने बताएको छ। जसअन्तर्गत जल सतह युद्ध, पनडुब्बी बिचको युद्ध, खुफिया जानकारीको संकलन, माइन बिछ्याउन, क्षेत्र निगरानी आदि पर्दछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
