काठमाडौं– आर्थिक कारोबारसम्बन्धि गोप्य कागजपत्र जलाएको आरोपमा पक्राउ परेका सशस्त्र प्रहरीका हवल्दार रामकृष्ण श्रेष्ठ जेल जलान भएका छन्। सइ भने धरौटीमा छुटेका छन्।
आगजनी मुद्दामा जिल्ला अदालतलले हवल्दार श्रेष्ठलाई पुर्पक्षका लागि जेल चलानको आदेश दिएको हो। सइ हुत बहादुर थापा भने साढे सात लाख धरौटीमा छुटेको महानगरीय प्रहरी वृत्त स्वयम्भुका डिएसपी किशोर श्रेष्ठले बताए।
घटनामा संलग्न सइ निल बहादुर श्रेष्ठ फरार छन्। पक्राउ परेका हवल्दार श्रेष्ठले अख्तियारले आफुहरुमाथि छानबिन थालेपछि कागजपत्र जलाएको बताएका थिए। घटनामा आफुलाई साथ दिने दुई जना सइको नाम समेत बयानमा लिएका थिए।
पुस ४ गते सशस्त्रका हवल्दार श्रेष्ठले स्टोर कोठामा आगो लगाएका थिए। पेट्रोल छर्किएर उनले आगो लगाएका हुन्।
घटनाको विभिन्न निकायले छानबिन गरिरहेका छन्। गृहका सह सचिव कृष्ण राउत संयोजकत्वको छानबिन समितिले आगजनी घटना नियोजित भएकाले गम्भीर अनुसन्धान गर्नुपर्ने सिफारीस गरेको थियो। सुनियोजित तरिकाले महत्वपूर्ण श्रेस्ता तथा कागजपत्रहरुहरु नष्ट गरी प्रमाण नष्ट गराउने उदेश्यले सशस्त्र प्रहरी कर्मचारीबाटै आगो लगाइएको छानबिन समितिको प्रतिवेदनका आधारमा सिआईबीलाई छानबिनको जिम्मा दिइएको छ। सशस्त्रले एआईजी प्रेमबहादुर शाहीको संयोजकत्वमा पनि आन्तरीक छानबिन गरिरहेको छ।
गृहले आर्थिक प्रशासन निर्देशनालयका कर्मचारीहरुलाई जिम्मेवारीबाट हटाउन निर्देशन दिएको छ। अख्तियार दुरुपयोग अनुसन्धान आयोगबाट छानबिन सुरु भएपछि सशस्त्र प्रहरी कर्मचारीले कागजपत्र नष्ट गरेकाले आयोगलाई पनि गृहले त्यसबारे पत्राचार गरेको छ।घटनामा अन्य उच्च अधिकारीको समेत संलग्नताको आशंका गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787723619.jpg)
-1786602170.png)
