काठमाडौं- जर्मन सवारी उत्पादक कम्पनी 'बिएमडब्लू'ले उत्पादन गरेका मोटरसाइकल नाडा अटो शोमा प्रदर्शनका लागि राखिने भएको छ। बिएमडब्लूका मोटरसाइकल अटो शोमा पहिलो पटक सहभागी हुन लागेको हो।
बिएमडब्लूका मोटरसाइकलको नेपालका लागि आधिकारिक बिक्रेता टर्क मोटर्स ट्रेडिङले दुई मोडल अटो शोमा राख्ने तयारी गरेको जनाएको छ। कम्पनीले बिएमडब्लू जिएस-३१० र जि-३१० आर मोटरसाइकल अटो शोमा राख्नेछ।
३१० सिसी इन्जिन क्षमताका यी मोटरसाइकल युवा पुस्ताको रोजाइमा पर्ने विश्वास कम्पनीको छ। जिएस-३१० एडभेन्चर मोटरसाइकल हो भने जी-३१० नेकेड स्पोर्ट मोटरसाइकल हो। टर्क मोटर्स्ले नाडा अटो शोमा जिएस-३१० एडभेन्जर मोटरसाइकलाई मुख्य आकर्षणका रुपमा प्रस्तुत गर्ने तयारी गरेको कम्पानीका सिनियर हेड अफ सेल्स एन्ड मार्केटिङ दिपेश श्रेष्ठले जानकारी दिए।
नाडा अटो शोमा बिएमडब्लूको मोटरसाइकल बुकिङ गर्ने उपभोक्ताले करिब ६० हजार रुपैयाँसम्मको छुट तथा एसोसिरिज पाउने श्रेष्ठले बताए। ‘अटो शोमा मोटरसाइकल खरिद गर्ने तथा बुकिङ गर्नेले ३० हजार नगद छुट र ३० हजार रुपैयाँ बराबरका विभिन्न एसोसिरिज उपलब्ध गराउने छौं,’ उनले भने।
त्यस्तै नाडामा मोटरसाइकल बुकिङ गर्नेले एजिभीको हेलमेटमा ५ हजार रुपैयाँ छुट पाउनेछन्। इटाली ब्रान्डको यो हेलमेटको सुरुवाती मूल्य २५ हजार रुपैयाँदेखि रहेको छ। त्यस्तै एकपटक निःशुल्क सर्भिसिङको सुविधासमेत पाउनेछन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।