काठमाडौं- अर्को सातादेखि भृकुटीमण्डपमा हुने नाडा अटो शो २०१९ मा टाटाको एच५ मुख्य आकर्षणको रुपमा रहेनछ। भारतमा उक्त एसयूभीको नाम ह्यारियर रहेको छ। नेपालमा ह्यारियर नाम टोयोटाले दर्ता गरिसकेकाले उक्त गाडी ह्यारियर नाममा आउन नसकेको हो।
टाटा मोटर्सले भारतमा ह्यारियर एच५ कोड नेममा उत्पादन गरेको थियो । भारतमा ह्यारियर नाम राखिएको उक्त गाडीको कोड नेममै नेपाली बजारमा बिक्री हुने भएको छ। टाटा मोटर्सको नेपालका लागि आधिकारिक बिक्रेता सिप्रदी ट्रेडिङले नाडा अटो शोमा एच५ सार्वजनिक गर्ने भएको छ।
क्रियोटेक २.० लिटर टर्बो डिजेल इन्जिनयुक्त यस एसयूभीले भारतीय बजारमा राम्रो चर्चा बटुलेको छ। एच५ मा रहेको इन्जिनले १३८ बिएच पावर र ३५० एनएम टर्क जेनेरेट गर्छ। टाटा एच५ (ह्यारियर) ल्यान्ड रोवरको प्लfटफर्ममा निर्माण गरिएको गाडी हो। यो एसयूभी निक्कै आकर्षक रहेको छ।
यसका साथै टाटाले नाडा अटो शोमा कम्प्याक्ट एसयूभी नेक्सनलाई पनि विशेष प्राथमिकता दिने जनाएको छ। सव–फोर मिटर एसयूभी सेगमेन्टमा पछिल्लो समय टाटा नेक्सन लोकप्रिय हुँदै गएको छ।
त्यस्तै टाटा मोटर्सद्वारा उत्पादित अन्य विभिन्न कारहरु अटो शोमा प्रदर्शनीका लागि सिप्रदीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
