काठमाडौं- संवैधानिक विवादमा मुद्दाहरु लामो समयसम्म न्याय निरुपण हुन नसकेको गुनासा आइरहेपछि न्याय परिषद यसलाई बृहत बनाउने निर्णय गरेको छ।
मंगलबार प्रधान न्यायाधीश चोलेन्द्र सम्सेर राणाको अध्यक्षतामा बसेको परिषदको वैठकले सर्वोच्च अदालतमा कार्यरत रहेका थप ६ जना न्यायाधीशको नाम सिफारिस गरेको हो।
संवैधानिक इजलासमा शुरु भएदेखि दर्ता भएका मुद्दा फैसलाका लागि कुरेर बसेका छन्। परिषदका अनुसार यस्तो मुद्दाको. सुनुवाई गर्ने संवैधानिक इजलाशलाई प्यानल बनाउने निर्णय परिषदले गरेको हो।
यसअघि संवैधानिक इजलासमा प्रधान न्यायाधीशसहति पाँच न्यायाधीश रहेका थिए।
प्रदेश, संविधानको व्याख्या र अधिकार क्षेत्रको विवादको सुनुवाई गर्नुपर्ने संवैधानिक इजलास अब निरन्तर सुनुवाई गर्ने सक्ने भएको छ।
यसअघि संवैधानिक इजलासमा प्रधानन्यायाधीश राणा, न्यायाधीशहरु दीपककुमार कार्की, केदार चालिसे, मिरा खड्का र हरिकृष्ण कार्की रहेका थिए।
परिषदले संवैधानिक इजलासका लागि थप न्यायाधीशहरु विश्वभरप्रसाद श्रेष्ठ, इश्वर खतिवडा, आनन्दमोहन भट्टराई, अनिलकुमार सिन्हा, प्रकाशमान सिंह राउत र सपना प्रधान मल्ल तोकिएका छन्।
अब संवैधानिक प्यानलको रुपमा यसले सुनुवाई गर्नेछ।
कुनै एक न्यायाधीशको अनुपस्थिति हुदाँ संवैधानिक इजलास रोकिनु पर्ने बाध्यता अब अन्त्य हुनेछ।
यो संगै संवैधानकि इजलासमा लामो समयदेखि रोकिएका मुद्दाहरुको किनारा तीब्र गतिमा हुने देखिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
