बाँदरमुढे घटनामा मारिएका ३८ सहित ५६ जनालाई सहिद घोषणा

नेपाल लाइभ

नेपाल लाइभ बिहीबार, माघ ११, २०७४ २२:१७

काठमाडौं- सरकारले माओवादी द्वन्द्वको समयमा चितवनको बाँदरमुढे घटनामा मारिएका ३८ जनालाई सहिद घोषणा गरेको छ।

प्रधानमन्त्री निवास बालुवाटारमा बिहीबार साँझ बसेको मन्त्रिपरिषद्को बैठकले यस्तो निर्णय गरेको हो। ०६२ जेठ २३ गते चितवनको माडीस्थित बाँदरमुढे खोलामा यात्रुबस एम्बुस विस्फोटमा पर्दा ३८ जनाको मृत्यु भएको थियो।

यस्तै, मन्त्रिपरिषद्को बैठकले युद्धकालमा कास्की जिल्लामा तत्कालीन विद्रोही माओवादीबाट मारिएका कृष्णबहादुर गुरूङ, ईश्वर गुरूङ, मेखबहादुर गुरूङ, सुरत्तमसिंह गुरूङ, चन्द्रबहादुर रानाभाट, पशुपति रानाभाट, पूर्णबहादुर भुजेल र हरिप्रसाद गुरूङलाई पनि सहिद घोषणा गरेको सञ्चारमन्त्री मोहनबहादुर बस्नेतले जानकारी दिए।

सरकारले युद्धकालमा माओवादीबाटै मारिएका सिन्धुपाल्चोकका कृष्णप्रसाद सापकोटा, दिलबहादुर दनुवार, नेत्रबहादुर दंगाल, देवीजंग पाण्डे, हिकमतबहादुर भण्डारी, मित्रबहादुर दनुवार, छत्रबहादुर गिरी, सुनसरीका ब्रमदेव उराव, छत्र खतवे र खोटाङका कालुमान गुरूङलाई पनि सहिद घोषणा गर्ने निर्णय गरेको छ।

बैठकले पूर्वी रूकुमको सदरमुकाम उत्तरगंगा वडा नम्बर १२ गोलगोल खाँडा भन्ने ठाउँलाई तोकेको छ।

परिवार नियोजन संघको केन्द्रीय तथा शाखा कार्यसमिति विघटन गरी छत्रबहादुर गिरीको अध्यक्षतामा नयाँ तदर्थ समिति गठन गर्ने निर्णय पनि गरिएको छ। (रासस)

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बेरुतमा भएको इजरायली हमलामा ११ जनाको मृत्यु

धनकुटा र उदयपुरमा प्रहरीद्वारा ६४ हजार गाँजाका बोट फडानी

प्यालेस्टाइनमाथिको आक्रमण रोक्न माग गर्दै काठमाडौंमा प्रदर्शन