एक वर्षमै भित्रियो झन्डै पौने ४ करोड थान लाइटर

बिजनेस लाइभ

नेपाल लाइभ बिहीबार, साउन १६, २०७६ १३:३५

काठमाडौं- नेपालले एक वर्षमै भारत तथा तेस्रो मुलुकबाट झन्डै पौने ४ करोड थान ग्यास तथा अन्य विभिन्न प्रकारको आगो सल्काउन मिल्ने लाइटर आयात भएको छ।

भन्सार विभागका अनुसार गत आर्थिक वर्ष २०७५/०७६ मा खल्तीमा राख्न मिल्ने तर, ग्यास परिर्वतन गर्न नमिल्ने लाइटर मात्रै ३ करोड ५३ लाख ९० हजार ७ सय ९६ वटा नेपाल भित्रिएको छ। ग्यास परिर्वतन गर्न नमिल्ने लाइटर आयातमा मात्रै नेपालबाट १६ करोड ९७ लाख ६९ हजार रुपैयाँ बाहिरिएको छ।

यसैगरी, ग्यास परिर्वतन गर्न मिल्ने लाइटर भने १३ लाख ३ हजार ४ सय ४९ वटा नेपालले आयात गरेको छ। यसको आयातमा पनि ८१ लाख ९० हजार रुपैयाँ नेपालबाट विश्वका विभिन्न देश पुगेको छ।

साथै अन्य प्रकारको लाइटर पनि ४ लाख ११ हजार ६ सय ८६ वटा भित्रिएको छ। यसका लागि ३ करोड ४६ लाख १९ हजार रुपैयाँ नेपाल बाहिर गएको छ।

३ प्रकारकै लाइटर आयातमा भने नेपालबाट २१ करोड २५ लाख ७८ हजार रुपैयाँ बाहिरिएको छ।

साथै सरकारले लाइटर आयात शिर्षकबाट मात्रै ४ करोड ९० लाख रुपैयाँभन्दा बढी राजस्व पनि संकलन गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुडानको राजधानी नजिकै भएको गोलाबारीमा १२० भन्दा बढीको मृत्यु

सञ्चारमन्त्री गुरुङको स्पष्टोक्ति- रहरले नभइ आवश्यकताले अध्यादेश ल्याइएको हो

‘महाराजधिराज’को घोषणा, दोहोरो भूमिकामा पल