काठमाडौं- आर्थिक वर्षको पहिलो दिन शेयर बजार सूचक १.२६ प्रतिशतले बढेको छ।
नेपाल स्टक एक्सचेन्ज (नेप्से) सूचक १५.८५ अंकले बढेर १२७४.८६ अंकमा बन्द भएको छ।
यस दिन नेप्सेमा १६७ कम्पनीका १३ लाख ७५ हजार १९० कित्ता शेयर ४२ करोड ६७ लाख रुपैयाँमा किनबेच भएको छ।
बुधबार वित्त कम्पनी तथा होटलबाहेक सबै उपसूचक बढेका छन्। बैंकिङ, विकास बैंक, जलविद्युत, निर्जीवन बीमा, उत्पादन र लघुवित्त समूहका सूचक १ प्रतिशतभन्दा धेरैले बढेका छन्।
बुधबारको कारोबारबाट उन्नति माइक्रोफाइनान्सका लगानीकर्ताले सबैभन्दा धेरै कमाएका छन् भने सिभिल लघुवित्तका लगानीकर्ताले सबैभन्दा धेरै गुमाएका छन्।
यसदिन नेपाल बैंकको शेयर सबैभन्दा धेरै ४ करोड ७५ लाख रुपैयाँको किनबेच भएको छ। नेपाल लाइफ इन्स्योरेन्स, शिभम सिमेन्ट र माथिल्लो तामाकोशी जलविद्युत कम्पनीका शेयर २ करोड रुपैयाँभन्दा धेरै कारोबार भएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
