काठमाडौं— काठमाडौं उपत्यकामा युवतीमाथि श्रङ्खलाबद्ध रुपमा सिरिञ्ज आक्रमण गर्ने एक युवालाई प्रहरीले पक्राउ गरेको छ ।
महानगरीय प्रहरी परिसर काठमाडौंबाट परिचालन भएको विशेष टोलीले ती युवालाई पक्राउ गरेको हो । पक्राउ पर्नेमा ३० वर्षीय सन्तोष कार्की रहेको प्रहरीले जनाएको छ ।
उनलाई महाराजगञ्जको भाटभटेनी नजिकबाट गएराति साढे १२ बजे पक्राउ गरिएको स्रोतले नेपाल लाइभलाई जानकारी दियो । पछिल्लो समय उपत्यकामा सिरिञ्ज जस्तो वस्तुबाट युवतमाथि आक्रमण हुँदै आएको छ । अहिलेसम्म ५ जना युवतीहरुले आफूमाथि आक्रमण भएको भन्दै उजुरी दिएको प्रहरीले जनाएको छ ।
यद्यपी पीडितहरुको संख्या भने बढ्न सक्ने प्रहरीले अनुमान गरेको छ । पक्राउ परेका युवाले हानेको वस्तु सिरिञ्ज नै हो वा अन्य केही हो भन्नेबारे प्रष्ट हुन बाँकी रहेको अनुसन्धानमा खटिएको प्रहरी टोलीले जनाएको छ । ती युवाले किन आक्रमण गरे भन्नेबारे पनि केही खुल्न सकेको छैन ।
* प्रतीकात्मक तस्बिर
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788878240.jpeg)
-1786602170.png)
