नेपाल लाइभ समाचार [२०७९ जेठ २१]

भिडियो

नेपाल लाइभ शनिबार, जेठ २१, २०७९ २१:०६

१. काठमाडौंको जोरपाटीस्थित सर्वनाम शिक्षालयका होस्टेल वार्डेनले छात्राहरूमाथि यौन दुर्व्यवहार गरेको भन्दै विद्यार्थी र अभिभावक आन्दोलित, तीनजना छात्रामाथि दुर्व्यवहार गरेको जाहेरीपछि आरोपित खोज्दै प्रहरी। (होस्टेल वार्डेनमाथि यौन दुर्व्यवहारको आरोप)

२. निजगढ अन्तर्राष्ट्रिय विमानस्थलको काम अघि नबढाउन सर्वोच्चले दिएको आदेशको पक्षमा काठमाडौंमा प्रर्दशन, वीरगञ्ज पुगेर निजगढ विमानस्थल बनाउन आफू प्रतिबद्ध रहेको अर्थमन्त्री शर्माको भनाइ। (अर्थमन्त्री शर्माको भनाइ)

३. विराटनगर महानगरपालिकाको कार्यपालिका निर्वाचनमा ‘बहुमत’मा रहेको गठबन्धन पराजित, कांग्रेस र जनता समाजवादी पार्टीका उम्मेदवारलाई हराउँदै एमाले र स्वतन्त्र उम्मेदवार निर्वाचित। (गठबन्धन पराजित)

४. यूरोपेली संघद्वारा रूसबाट इन्धन ल्याउन प्रतिबन्ध लगाउने औपचारिक निर्णय, जवाफमा रूसद्वारा कतिपय देशका उच्च अधिकारीहरूलाई आफ्नो देश प्रवेशमा रोक। (रुसबाट इन्धन ल्याउन प्रतिबन्ध)

५. र, आईसीसी यू–१९ महिला टी–२० विश्वकप एसिया छनोटको दोस्रो खेलमा नेपाल युएईसँग १० विकेटले पराजित, हारसँगै नेपालको शीर्ष स्थानमा रहँदै विश्वकप खेल्ने सपना कठिन। (नेपाल यूएईसँग १० विकेटले पराजित)