काठमाडौं- भारतीय मालबाहक गाडी जाँच नगर्न दिएको निर्देशन बारे नेपाल लाइभले समाचार सम्प्रेषण गरेपछि गृह मन्त्रालयले बचाउ गरेको छ।
गृह मन्त्रालयलका प्रवक्ता रामकृष्ण सुवेदीद्वारा हस्ताक्षरित विज्ञप्तिमा उक्त समाचारबारे गृह मन्त्रालयको गम्भीर ध्यानाकर्षण भएको उल्लेख छ।
भारतबाट नेपाल प्रवेश गर्ने सवारी जाँच नगर्न मन्त्रालयले पत्राचार गरेको थियो।
.jpg)
विज्ञप्तिमा ट्राफिक प्रहरीबाट मालबाहक गाडीलाई दुःख दिने गरेको, जरिवाना तिराउने गरेको जस्ता गुनासा लिखित र मौखिक आएको आफ्नो क्षेत्राधिकार भित्र नपर्ने भएकाले जाँच नगर्न भनेको उल्लेख गरिएको छ।
अघिल्लो परिपत्रमा भएको गल्तीलाई ढाकछोप गर्दै गृहले कुनै मालबाहक सवारी साधनमा गैरकानूनी ओसारपसार भएको आशंका लागेमा नेपाल प्रहरी र सशस्त्र प्रहरीले जुनसुकै बेला जाँच गर्न पाउने भन्दै विज्ञप्ति निकालेको हो।
प्रहरी र ट्राफिक प्रहरीले अनावश्यक मालबाहक गाडीलाई दुःख दिने गरेकाले त्यसो नगर्न भन्दै पत्र काटिएको जारी विज्ञप्तिमा उल्लेख गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1724654184.jpg)
-1768280785.png)
-1768271809.png)
-1764146706.png)
