दमौली- तनहुँको भानु नगरपालिकाका कर्मचारीले भानुभक्तीय 'बिर्के टोपी' लगाउन सुरु गरेका छन्। नेपाली भाषाका धरोहर आदिकवि भानुभक्त आचार्यको नामबाट नामकरण गरिएको भानु नगरपालिकाका कर्मचारीले आइतबारबाट बिर्के टोपी लगाउन सुरु गरेका हुन्।
नगरकार्यपालिकाको बैठकले असार १ गतेबाट कर्मचारीले अनिवार्य रुपमा बिर्के टोपी लगाउनुपर्ने निर्णय गरेपछि उक्त निर्णयलाई व्यवहारमा लागू गरिएको नगरपालिकाका प्रमुख प्रशासकीय अधिकृत राजेन्द्रदेव पाण्डेले जानकारी दिए। उनले भने, 'भानुभक्तको नामबाट नामांकन भएको नगरपालिकामा आउने सबैलाई भानुभक्तीय टोपीको बारेमा जानकारी दिन र पहिचान झल्काउन बिर्के टोपी लगाउन सुरु गरेका हौं।'
पाण्डेका अनुसार नगरपालिकाभित्र कार्यरत १ सयभन्दा बढी कर्मचारीले बिर्के टोपी लगाउन सुरु गरेका छन्। राष्ट्रिय विभूति आचार्यको पहिचान जोगाउनुका साथै प्रचारप्रसारका लागि भानुभक्तीय टोपी लगाउन कर्मचारीलाई आग्रह गरेबमोजिम कर्मचारीले बिर्के टोपी लगाउन सुरु गरेको नगरपालिकाका प्रमुख उदयराज गौलीले बताए।
उनले भने, 'आदिकविको सम्मान र प्रचारप्रसार गर्ने उद्देश्यसहित यस्तो नियम लागू गरिएको हो।'
उनका अनुसार नगरपालिकाले भानु जयन्तीको अवसरमा असार २९ गते नगर क्षेत्रभित्र सार्वजनिक बिदा दिने तयारी गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1724654184.jpg)
-1768280785.png)
-1768271809.png)
-1764146706.png)
