काठमाडौं– प्रधानमन्त्री शेरबहादुर देउवाले आज राष्ट्रपति विद्यादेवी भण्डारीसँग भेटवार्ता गर्दैछन्। राष्ट्रियसभा निर्वाचन अध्यादेश प्रमाणीकरण गर्न दबाब दिँदै आएका प्रधानमन्त्री देउवाले राष्ट्रपति भण्डारीसँग छलफल गर्न लागेका हुन्।
राष्ट्रियसभा निर्वाचन अध्यादेशको विषयमा दलहरु आ-आफ्नै अडानमा रहेपछि राष्ट्रियसभा गठनमा सहमती जुट्न सकेको छैन। प्रधानमन्त्री देउवाले आज बिहान बोलाएको प्रमुख पाँच दलको बैठकमा समेत दलहरुले आफ्ना अडान कायमै राखेका थिए।
दलहरुसँग छलफल गरेलगत्तै प्रधानमन्त्री देउवाले राष्ट्रपतिसँग छलफल गर्न लागेका हुन्।
प्रधानमन्त्री देउवा राष्ट्रियसभा निर्वाचन अध्यादेश प्रमाणीकरण नभएसम्म सरकार नछोड्ने मनस्थितिमा छन् भने निर्वाचनपछि ठूलो दल बनेको एमालेले अध्यादेश गैरसंवैधानिक रहेको भन्दै नयाँ सरकार गठनको मार्गप्रसस्त हुनुपर्ने अडानमा छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749801778.jpg)
-1749797959.png)
-1749979333-1749983311.jpg)
-1749826086.png)
