बंगलादेश र श्रीलंकाबीचको खेल पनि रद्द, बन्यो खराब रेकर्ड 

नेपाल लाइभ | २०७६ जेठ २८ मंगलबार | Tuesday, June 11, 2019 १९:२१:०० मा प्रकाशित

काठमाडौं– आइसिसी क्रिकेट विश्वकप २०१९ अन्तर्गत बंगलादेश र श्रीलंकाबीचको खेल पनि रद्द भएको छ।

इंग्ल्यान्डको ब्रिस्टोफमा तय भएको खेल वर्षाका कारण प्रभावित बनेको हो। वर्षाका कारण खेल टस नै नगरी रद्द गरियो। स्थानिय समयअनुसार दिउँसो २ बजेसम्म वर्षा जारी रहेको थियो।

यसअघि दक्षिण अफ्रिका र वेस्ट इन्डिज तथा पाकिस्तान तथा श्रीलंकाबीचको खेल पनि वर्षाका कारण रद्द भएको थियो।

एकै विश्वकपमा तीन खेल रद्द भएको यो पहिलो पटक हो। यसअघि सन् १९९२ र २००७ मा वर्षाका कारण २ खेल रद्द भएका थिए।