भक्तपुर- भक्तपुर नगरपालिका-१ मा अव्यवस्थित तारमा आगो सल्किएको छ। बिजुलीको तार शट भएर बिहान ६ बजेतिर आगो सल्किएको हो।
जुद्ध वारुण यन्त्र कार्यायलको दमकलले आगो नियन्त्रणमा लिएको थियो। आगो लाग्ने बितिकै खबर भएकोले आगो नियन्त्रणमा लिन सहज भएको थियो।
आगलागी भएको स्थान र जुद्ध वारुद्ध यन्त्र कार्यालयबीचको दुरी पाँच मिनेटमात्रको अन्तर रहेकोले समयमै दमकल पुगेको थियो। समयमै पुगेको दमकलले आगलागी नियन्त्रणमा लिन सकेको जुद्ध वारुद्ध यन्त्र कार्यालय दूधपाटी भक्तपुरले जनाएको छ। समयमै दमकल पुगेकोले आगलागीबाट ठूलो क्षति हुन नपाएको कार्यालयको भनाइ छ।
अव्यवस्थित तारका कारण आगलागी भएको स्थानीयले बताएका छन्। अव्यवस्थित तारका कारण आगलागीको खतरा रहेको आफूहरुले विद्युत कार्यालय भक्तपुरलाई सचेत गराउँदै आउँदा पनि बेवास्ता गरेको उनीहरुले बताए।
तारकै कारण गतवर्ष भक्तपरको विद्युत कार्यालयसँगैका यति कार्पेटमा आगलागी भएको थियो। रातिदेखि लागेको आगो उपत्यकाभरका दमकल प्रयोग भएपनि बिहानसम्म नियन्त्रण ल्याउन सकेको थिएन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
