जनकपुर- नेपाली कांग्रेस उपसभापति विमलेन्द्र निधिले वर्तमान सरकार लोकतन्त्र र संघीयताविरोधी रहेको आरोप दोहोर्याएका छन्।
जनकपुरमा शनिबार पहिलो चरणको राष्ट्रिय जागरण अभियान समापन कार्यक्रममा नेता निधिले सरकार गठनको १५ महिना बितिसकदा पनि सरकारले संघीयताविरोधी काम मात्र गरेको र लोकतन्त्रको पक्षमा एउटा पनि काम गर्न नसकेको आरोप लगाएका हुन्।
‘ओली नेतृत्वको सरकार प्रदेशमा मात्र हैन, स्थानीय तहमा पनि हस्तक्षेप गर्न खोज्दैछ,' निधिले भने, 'अदालत, सेना, कर्मचारी, संसद, प्रहरी सबैतिर कम्युनिस्टीकरण गर्न लाग्दै छ।’
उनले ओली नेतृत्वको सरकारको क्रियाकलापलाई गलत भन्दै लोकतन्त्रविरोधी कामबारे जनतालाई सुसूचित गर्न निर्देशन पनि दिए।
वैशाख २५ गते देखि सुरु पार्टीको राष्ट्रिय जागरण अभियानको पहिलो चरणको कार्यक्रम समग्रमा सफल भएको जिकिर गर्दै नेता निधिले भने, ‘यहाँ प्रदेश २ का सरकारले पनि संघीय सरकारको पिछलग्गु भएर काम गरेको छ।’
कांग्रेस धनुषा जिल्ला अध्यक्ष महेश शंकर गिरीको अध्यक्षतामा जनकपुर गोपाल धर्मशालामा भएको समापन कार्यक्रममा सम्बोधन गर्दै निधिले उनले पार्टीपंक्तिलाई पार्टीको विधान अध्ययन गर्न पनि आग्रह गरे।
पार्टीका नेता कार्यकर्तालाई एकढिक्का भएर लोकतन्त्र र जनताका पक्षमा काम गर्न आग्रह गर्दै उनले यस बीचमा तीन महिना आन्तरिक गृहकार्य गर्ने र पुनः भदौ २५ देखि दोश्रो चरणको जागरण कार्यक्रम सुरु गर्ने स्पस्ट पारे।
समापन कार्यक्रममा प्रतिनिधिसभा सदस्य कांग्रेसका नेता स्मृति नारायण चौधरी, राष्ट्रियसभाका सदस्य कांग्रेश नेत्री मुक्ता यादव र कांग्रेस नेता सन्तोष यादवले पार्टी सुदृढीकरणबारे बोलेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791645793.png)
-1786602170.png)
