काठमाडौं– सिकाइको वातावरण नै बालमैत्री वातावरणको मूल सूचक भएको शिक्षा, विज्ञान तथा प्रविधी मन्त्री गिरिराजमणी पोखरेलले बताएका छन्।
काठमाडौं महानगरपालिका–४ को आयोजना र काठमाडौं जिल्ला बालक्लब सञ्जालको सहकार्यमा धुम्बराहीस्थित धुम्रबराह माध्यमिक विधालयमा 'बालमैत्री विधालय घोषणा तथा प्रतिबद्धता समारोह' मा बोल्पोदै मन्त्री पाेखरेलले कुरा बताका हुन्।
बालबालिकाको उमेरसँगै सिपमूलक शिक्षा समेत आजको आवश्यकता रहेको उनले बताए।
सरकारले ल्याएको नयाँ बजेटले ४२ जिल्लामा दिवा खाजाको व्यवस्था गर्ने, नि:शुल्क सेनेटरी प्याड उपलब्ध गराउने लगायत शिक्षामा आमूल परिवर्तनका लागि रणनितीक कार्ययोजना बनाइ अघि बढिएको समेत् उहाले बताए |
त्यसैगरी, प्रदेश नं ३ का सान्सद नारायण सिलवालले सम्पूर्ण विधालयहरूले बालमैत्री वातावरण सुनिसश्चित गर्नुपर्नेमा जोड दिए।
धुम्रबराह माध्यमिक् विधालयमा 'बाल्मैत्री विधालय राष्ट्रिय प्रारुप कार्ययोजना २०६७' माथि आवश्यक संशोधन तथा महानगरको शिक्षा ऐनले तोकेको मापदन्डभित्र रही सूचकहरू निर्धारण गरी 'बालमैत्री विधालय कार्ययोजना २०७५' लागू गरिएको थियो।
त्यसपश्चात १ वर्षसम्म उक्त कार्ययोजना भित्र रहेका करिब १ सय १५ सूचकहरूको अनुगमन तथा मूल्यांकन गरिएको थियो|
समारोहमा ती सूचकमध्ये न्यूनतम सूचक पूरा गर्ने कुल ३० विद्यालयमध्ये २६ वटा विधालयहरूलाई बालमैत्री विधालयको प्रमाणपत्र हस्तानतरण गरिएको थियो भने ४ वटा विधालयलाई यसै महिनाभित्र न्यूनतम सूचक पूरा गर्ने गरी प्रतिबद्धतापत्र हस्तान्तरण गरिएको थियो|
बालमैत्री प्रारुप कार्यान्वयन गर्ने कामपा–४ नेपालकै नमुना वडाको रुपमा स्थापित हुन सफल भएको छ|
कार्यक्रमका प्रमुख अतिथि समेत रहेका मन्त्री पोखरेल, सांसद सिलवाल र वडा अध्यक्ष मोहन बहादुर विष्टले 'बालमैत्री विधालय कार्ययोजना २०७५'को औपचारिक सार्वजनिक समेत गरेका थिए।
मन्त्री पोखरेलले उक्त कार्ययोजनालाई नेपालभरका संस्थागत तथा सामुदयिक विधालयमा लागू गर्ने प्रतिबद्धता समेत व्यक्त गरे|
कार्यक्रममा बालमैत्री विधालय अनुगमन समितिका सदस्य सचिव राजाराम बस्नेतले संस्थागत विधालय तथा सामुदायिक विधालयबीचको समानता विकास गर्न बालमैत्री वातावरणले टेवा पुर्याउने बताए।
वडा अध्यक्ष मोहन विष्टले अब विधालयहरू बालमैत्री वातावरण् सुनिश्चित गर्न जिम्मेवार बन्नुपर्ने बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
