जनकपुर– महोत्तरीको सुकुम्बासी बस्तीमा जंगली हात्तीको समूहले आधा दर्जन घर भत्काएका छन्।
बर्दिबास नगरपालिका–८ स्थित सुकुम्बासी बस्तीमा जंगलबाट सात/आठ वटाको संख्यामा आएका हात्तीले स्थानीयबासी विक्रम महतो, शान्ति महतो, भरत महतो, पदम भुजेल, सञ्जीव कापर र राधे विकको घर भत्काएको महोत्तरीका प्रहरी उपरीक्षक ईश्वर कार्कीले बताए।
ती हात्तीहरूले सोही बस्तीमा रहेको शिव मन्दिरको पर्खालसमेत भत्काइदिएको प्रहरीले जनाएको छ।
बस्तीमा अचानक जंगलबाट हात्ती आएर घरहरू भत्काउन थालेपछि सो बस्तीमा भागाभाग भएको छ भने स्थानीय निकै भयभित भएका छन्।
हात्तीहरुले कुनै मानवीय क्षति नपुर्याएको प्रहरी उपरीक्षक कार्कीले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
