काठमाडौं- यस वर्षको ‘नारायणगोपाल युवा संगीत’ पुरस्कार गायक/संगीकार मनोजराज शिवाकोटी र गायिका इतु जोजिजुलाई संयुक्त रुपमा दिइने भएको छ।
पुरस्कार छनोट समितिका अध्यक्ष प्राध्यापक दीपक जंगमको अध्यक्षतामा बसेको बैठकले ५० हजार रुपैयाँ राशिको उक्त पुरस्कार संयुक्त रुपमा प्रदान गर्ने निर्णय गरेको राष्ट्रिय युवा सेवा कोषले जनाएको छ।
यस्तै, कोषले राष्ट्रिय विभूति अरनिकोको स्मृतिमा स्थापना गरेको ‘अरनिको युवा कला पुरस्कार’ कास्कीका नगेन सिंह र इलामका विष्णुप्रसाद श्रेष्ठलाई संयुक्त रुपमा दिने निर्णय पनि गरेको छ।
४० वर्ष ननाघेका युवा कलाकारलाई कोषले बर्सेनि नगद र स्वर्णपदकसहित ती दुवै पुरस्कार दिँदै आएको छ। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749384056.png)
