फिल्म 'भारत'को रिलिज समय संघारमा छ। सलमान खानको नयाँ फिल्मको पर्खाइमा रहेका उनका फ्यानले अग्रिम टिकट समेत किनिसकेका छन्। फिल्ममा सलमान र कटरिना मुख्य भूमिकामा भएपनि अरु चर्चित बलिउड कलाकारहरु पनि सानो ठूलो भूमिकामा देखिनेछन्।
फिल्म रिलिजको अघिल्लो दिन अभिनेत्री ज्याकलिन फर्नानडिज समेत उक्त फिल्ममा रहेको खबर सार्वजनिक भएको छ। सलमानसँग 'किक' र 'रेस ३'मा जोडी बाँधेकी उनी यो फिल्ममा भने फर भूमिकामा रहेको भारतीय मिडियाले उल्लेख गरेका छन्। उनी बलिउडका प्रख्यात अभिनेता अमिताभ बच्चनकी आमा तेजी बच्चनको भूमिकामा छिन्।
प्रसिद्ध भारतीय कवि हरिवंश राय बच्चनको भूमिकामा अलिराजा नम्दार र अमिताभको युवा अवस्थाको भूमिका धिरेन अहुजाले निर्वाह गरेका छन्। फिल्ममा ज्याकलिनका अलवा वरुण धवनले पनि सानो भूमिका निर्वाह गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
