काठमाडौं– फिफा विश्वकप २०२२ र एएफसी कप २०२३ को छनोटको आधार फिफा वरीयतालाई मानिएको छ। गत महिनाको वरीयताको आधारमा तय भएको छनोट प्रतियोगितामा एसियाका शीर्ष ३४ टिम सिधैं दोस्रो चरणमा पुगेका थिए। नेपाल भाग्यवस एसियाको ३४औं स्थानमा रहन सफल भयो।
फिफा वरीयताको १ सय ६१ औं स्थानमा रहेको नेपालले मलेसियालाई पछि पारेको थियो। मलेसिया एसियाको ३५औं र फिफा वरीयताको १ सय ६८औं स्थानमा छ। नेपाल भन्दा वरीयतामा पछि परेको मलेसियाले फिफाको पहिलो चरण खेल्दैछ। पहिलो चरणमा एसियाका १२ टिमबीच भिडन्त हुनेछ।
फिफा वरीयताको आधारमा विश्वकप र एसिया कप छनोटको दोस्रो चरणमा स्थान बनाएको नेपालले आइतबार मलेसियासँग उसैको घरेलु मैदानमा अन्तर्राष्ट्रिय मैत्रीपूर्ण खेल खेल्दैछ। आइतबार राति पौने ८ बजे नेपाल र मलेसिया बुकित जलिल रंगशालामा प्रतिस्पर्धा गर्न लागेका हुन्।
खेलअघि नेपालका प्रशिक्षक योहान कालिनले राम्रो खेलेर जित्न निकाल्न चाहेको बताएका छन्। उनले मलेसियाविरुद्ध खेल्दा कठीन हुने बताउँदै आगामी प्रतियोगितालाई टिम राम्रो बनाउन मैत्रीपूर्ण खेलले महत्वपूर्ण भूमिका खेल्ने बताए।
.jpg)
फिफा वरीयतामा अघि रहेको नेपालले मलेसियाविरुद्ध अहिलेसम्म जित निकाल्न सकेको छैन। पछिल्लो पटक मलेसिया र नेपाल सन् २००८ को मर्डेका कपमा भिडेका थिए। सो खेलमा नेपाललाई मलेसियाले ४–० ले हराएको थियो। सन् १९८५ को विश्वकप छनोटमा गोलरहित बराबरी खेल्नु मलेसियाविरुद्ध नेपालको अहिलेसम्मकै उत्कृष्ट नजिता हो। त्यसयता नेपालले ५ खेल गुमाएको छ भने एक गोल पनि गर्न सकेको छैन। त्यसैले फिफा वरीयतामा अघि रहेको नेपालका लागि आइतबारको खेल आफ्नो स्तर जाँच्ने मौका हो।
नेपाली टिम
गोलकिपर– किरण चेमजोङ, एलन न्यौपाने, विकेश कुथु
डिफेन्डर- विराज महर्जन, सरोज दाहाल, रजिन धिमाल, सुमन अर्याल, अनन्त तामाङ, अजित भण्डारी, देवेन्द्र तामाङ, रवि सिलवाल
मिडफिल्डर- सुनील बल, रवि पासवान, सुजल श्रेष्ठ, विशाल राई, रोहित चन्द, विक्रम लामा, सन्तोस तामाङ, तेज तामाङ, विमल राना, नवयुग श्रेष्ठ, अभिषेक रिजाल, अन्जन विष्ट
.jpg)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
