काठमाडौं- प्रतिनिधिसभा सदस्य निर्वाचनको प्रत्यक्षतर्फको मतगणना अन्तिम चरणमा छ। अहिलेसम्म प्राप्त नतिजाले केन्द्रीय संसदमा दलहरुले प्राप्त गर्ने हैसियतको मोटामोटी आकार बनिसकेको छ।
समानुपातिकतर्फ दलहरुले प्राप्त गर्ने सिटले केन्द्रीय संसदमा संख्यात्मक हिसाबले दलिय उपस्तिथिको टुंगो लगाउनेछ। एउटा संख्या तय छ, त्यो हो- निर्वाचनमार्फत १ सय ६५ जना र समानुपातिकतर्फ १ सय १० जना सांसदले केन्द्रीय सदनमा प्रवेश पाउनेछन्।
सुरुमा टिकट पाउनै गाह्रो, टिकट पाए जित्न। निर्वाचनको महासंग्रामबाट चुनाव जितेर संसदमा आएका सांसदको पारिश्रमिक कति होला? सबैमा चासो छ। तपाईंले जिताएका संघीय संसदका प्रतिनिधिले कति सेवासुविधा पाउलान्?
तपाईंले चुनेर पठाएका प्रतिनिधिसभा सदस्यले मासिक ५५ हजार २ सय ३० रुपैयाँ पारिश्रमिक प्राप्त गर्नेछन्। विशेष भत्ताबापत सांसदलाई मासिक एक हजार, बैठक भत्ता ५ सय र टेलिफोन सुविधामार्फत ३ हजार रुपैयाँ राज्यले प्रदान गर्नेछ।
सांसदलाई आवासको सुविधासमेत छ। त्यसबापत उनीहरुले मासिक १८ हजार रुपैयाँ प्राप्त गर्नेछन्। सांसदहरुले एकमुष्ट पाउनेगरी फर्निचर खर्च १५ हजार रुपैयाँ उलपब्ध गराइनेछ।
यातायात सुविधामार्फत १ हजार, बिजुली र पानीको २ हजार, दैनिक भत्ता २५ सय र पैदल भ्रमण भत्ताबापत प्रतिकोस २५ रुपैयाँको व्यवस्था गरिएको छ। सांसदको यात्रा बिमा १० लाख रुपैयाँ रहनेछ भने अशक्त भएका सांसदलाई आर्थिक सहायताबापत ५० हजार एकमुष्ट दिने व्यवस्था गरिएको छ।
सांसदहरुलाई निजी सचिवालयको समेत व्यवस्था गरिएको छ। सांसदहरुले एक जना तृतीय श्रेणीको स्वकीय सचिव निजी सचिवालयमा राख्न पाउनेछन्। स्वकीय सचिवालयले सरकारी स्केलअनुसारको तलबमात्र पाउनेछन्। सो पारिश्रमिक उनीहरुको बैंक खातमा उपलब्ध गराइनेछ।
स्वकीय सचिवको तलब र संसद भत्ता, पैदल भत्ता लगायतका सुविधा छोडेर एक सांसदले पारिश्रमिक सुविधावापत एक महिनाको करिब लाख रुपैयाँ प्राप्त गर्नेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749384056.png)
-1749367495.jpg)
