काठमाडौं– नेपाली राष्ट्रिय क्रिकेट टिमको प्रमुख प्रशिक्षकमा भारतका उमेश पटवाल नियुक्त भएका छन्। एक वर्षअघि राष्ट्रिय क्रिकेट टिमको कन्सल्ट्यान्ट ब्याटिङ प्रशिक्षकमा नियुक्त भएका पटवालले अब जगत टमटाको स्थान लिनेछन्।
सन् २०१५ श्रीलंकन मुलका क्यानेडियन पुबुदु दासानायकेले नेपाली राष्ट्रिय क्रिकेट टिमको प्रशिक्षक पद छाडेपछि टमाटाले नेपाली टिम सम्हालेका थिए। पुबुदु हाल अमेरिकाको प्रशिक्षक छन्।
पटवाल २०७४ फागुनमा जिम्बावेमा भएको एकदिवसीय विश्वकप छनोटका लागि पहिलो पटक नेपाली टिमको कन्सल्ट्यान्ट ब्याटिङ प्रशिक्षक बनेका थिए। सो भ्रमणमा नेपालले पहिलो पटक एकदिवसीय मान्यता पाएका थियो।
त्यस्तै केहि महिनाअघि युएईविरुद्धको एकदिवसीय सिरिज र टी–२० सिरिजमा पनि पटवाल कन्सल्ट्यान्ट ब्याटिङ प्रशिक्षकमा थिए। त्यसअघि उनी पोखरा प्रिमियर लिगको प्रतियोगिता निर्देशक थिए।
पटवालसँग आझ साँझ सम्झौता हुँदैछ। होटल क्राउन प्लाजा नक्सालमा हुने कार्यक्रममा पटवालसँग एक वर्षका लागि सम्झौता हुने स्रोतले बताएको छ। मासिक ७ हजार डलर (७ लाख ८२ हजार रुपैयाँ) हुने सम्झौता जुन १० तारिकदेखि एक वर्षका लागि हुनेछ। उनको पारिश्रमिक अन्तर्राष्ट्रिय क्रिकेट काउन्सिलले राष्ट्रिय खेलकुद परिषद्मार्फत उपलब्ध गराउनेछ।
.jpg)
२०७३ वैशाखमा आइसिसीबाट नेपाल क्रिकेट संघ निलम्बनमा परेसँगै आइसिसीले नै खेलाडी र प्रशिक्षकलाई तलब दिँदै आएको छ भने नेपाली टिमको व्यवस्थापन हेर्दै आएको छ। कन्सल्ट्यान्ट ब्याटिङ प्रशिक्षकका लागि आइसिसीले नै तलब उपलब्ध गराउँदै आएको छ।
आइसिसीले पछिल्लो समय नेपाली क्रिकेट टिमका कप्तान पारस खड्कासँगै अन्य सिनियर खेलाडी विदेशी प्रशिक्षकको विषयमा राँय मागेको थियो। आइसिसीलाई कप्तान पारसले पटवाल नेपाली टिमका लागि उपयुक्त पात्र भएको सुझाव दिएका थिए।
यसअघि आइसिसीले कन्सल्ट्यान्ट ब्याटिङ प्रशिक्षकको नियुक्त लागि पनि उपलब्ध नाम पठाउने गरेको थियो। उपलब्ध नाममध्ये नेपाली टिम र प्रशिक्षकले सुझाव पठाउने गरेको थियो। त्यसपछि आइसिसीले कन्सल्ट्यान्ट ब्याटिङ प्रशिक्षक पठाउने गरेको थियो।
मुम्बइका पटवालसँग यसअघि अफगानिस्तानको ब्याटिङ प्रशिक्षक भएर काम गरेको अनुभव छ। सन् २०१४ को टी–२० विश्वकप र २०१४ को एसिया कपमा पटवाल अफगानिस्तानको ब्याटिङ प्रशिक्षक थिए। त्यसपछि उनले अफगानिस्तानको घरेलु लिगमा प्रशिक्षक भएर काम गरेका थिए। पछिल्लो पटक उनले रासिद खानले कप्तानी गरेको अफगानिस्तानको घरेलु लिगको प्रशिक्षण सम्हालेका थिए।
.jpg)
अफगानिस्तानका सिनियर खेलाडीहरु मोहम्मद साहजाद र मोहम्मद नाबीले अफगानिस्तानको सफलतामा पटवालको योगदान रहेको बताएका थिए।
पटवाल आइपिएल टिम कोची टस्कर्ससँग पनि आवद्ध थिए। पटवाल विशेषगरी खेलाडीको आत्मविश्वास बढाउन र खेल बुझाउन सक्ने क्षमता भएको प्रशिक्षक मानिन्छन्।
अफगातिस्तानको प्रशिक्षक बन्नुअघि उनले नागपुरस्थित विदर्भ क्रिकेट एसोसिएसनको एकेडेमी, ग्लोबल क्रिकेट स्कुल र मुम्बइको पायडे क्रिकेट क्लबको प्रशिक्षण सम्हालेका थिए।
.jpg)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751793737.png)
-1749826086.png)
