काठमाडौँ- बुधबार आगामी आर्थिक वर्ष २०७६/७७ को बजेट संसदमा प्रस्तुत भएपछि सोही विषयमा थप जानकारी लिन संचारकर्मीहरु बिहीबार बेलुका ४ बजे अर्थ मन्त्रालयमा आयोजित पत्रकार सम्मेलन पुगेका थिए। अर्थमन्त्री डा. युवराज खतिवडा पत्रकार सम्मेलनमा उपस्थित थिए।
हरेक बिहीबार साताका मन्त्रिपरिषद्को निर्णय पनि सुनाउने भएका कारण सरकारका प्रवक्ता एवं सूचना तथा सञ्चार प्रविधिमन्त्री गोकुल बाँस्कोटा पनि थिए।
मन्त्री बाँस्कोटाले साताभरका मन्त्रिपरिषद निर्णय सुनाइसकेपछि अर्थमन्त्री खतिवडाले आगामी आर्थिक वर्षको बजेटले गरेका नयाँ व्यवस्थाका बारेमा थप जानकारी दिन सुरु गरे। त्यसपछि पत्रकारहरुलाई प्रश्न सोध्न समय दिइयो।
एक जना पत्रकारले बजेटमा वितरणमुखी कार्यक्रम मात्र अटाएको तर जनताको मुहार फेर्न कार्यक्रम नभएको भन्दै प्रश्न गरे।
सो प्रश्नको उत्तर अर्थमन्त्री खतिवडाले यसरी जवाफ फर्काए।
'पूर्व-पश्चिम राजमार्ग ६ लेनको बनाउने, रेल बनाउने, हवाइजहाज कुदाउने, ठुलाठुला अन्तरदेशीय पानीजहाज कुदाउने, अनि शिक्षा, स्वास्थ्य र प्राविधिक शिक्षा अघि बढाउने, स्टार्टअप बिजनेस अघि बढाउनेदेखि सबै किसिमको व्यवसाय गर्ने वातावरण बनेकै छ। अब के चाँहि थप्नुपर्यो जनताको मुहार फेर्न? तपाईसँग थप छलफल गरौंला।'
ती पत्रकारले प्रतिप्रश्न गरेनन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
